ನಂಬಿಕೆ ಹುಸಿಯಾಗದಿರಲಿ

ಹರಿಯೆ ಹಗಲಿರುಳು ನಿನ್ನ ಧ್ಯಾನಿಸುವೆ
ನನ್ನ ನಂಬಿಕೆ ಮಾತ್ರ ಹುಸಿಯಾಗದಿರಲಿ
ಸ್ವಾರ್ಥ ವಂಚನೆಗಳಿಗೆ ನನ್ನ ಮನ ಹರಿದು
ಮತ್ತೆ ಪ್ರಾಪಂಚಿಕ ವ್ಯಾಮೋಹದಿ ಹಸಿಯಾಗದಿರಲಿ

ಹೆಜ್ಜೆ ಹೆಜ್ಜೆ ನಿನ್ನ ನೆನಪು ಗುನಿಗುನಿಸು ತಿರಲಿ
ನಿಂತರೂ ನಡೆದಾಡಿದರೂ ನಿನ್ನ ಮರೆಯದಿರಲಿ
ಸಂತರ ಪುಣ್ಯವಂತರ ಜೀವನ ಕ್ರಮ ನೆನೆಯಲಿ
ಅಪನಂಬಿಕೆಯ ಹಾಳುಪುಟ ತೆರೆಯದಿರಲಿ

ವಿಷಯ ಲಂಪಟತೆಯ ಜನರಿಂದ ದೂರವಿರಲಿ
ಯಾವ ಕಾರಣಕ್ಕೆ ಅಲ್ಲಿ ಚರ್ಚೆ ಬೇಡದಿರಲಿ
ಬದುಕು ನಾಮ ಸ್ಮರಣೆದಿ ನಿತ್ಯ ತುಂಬಿಕೊಳ್ಳಲಿ
ಮತ್ತೆ ಮತ್ತೆ ನಾನು ನನ್ನದು ಕಾಡದಿರಲಿ

ಉಸಿರು ಉಸಿರುಗಳೆಲ್ಲ ತುಂಬಲಿ ಹರಿಯನಾಮ
ಎದೆಯ ಗೂಡಿನಲಿ ಹರಿಯ ಪಾದವಿರಲಿ
ಜನ್ಮ ಜನ್ಮಕ್ಕು ಹರಿಯೆ ನನ್ನ ದೈವವಾಗಲಿ
ಮಾಣಿಕ್ಯ ವಿಠಲನ ನಾಮ ಸ್ವಾದವಿರಲಿ
*****