ಕನ್ನಡ ನಲ್ಬರಹ ತಾಣ
ಹೆಸರು ಕುಟ್ಟಿಚಾತ
ಮಹಾ ಕೆಟ್ಟ ಬೂತ
ಒಂದು ದಿನ ಕಾಡಿನಲ್ಲಿ
ತಿರುಗಾಡುತಿರುವಲ್ಲಿ
ಕಂಡನೊಬ್ಬ ಬಡಗಿ
ಕುಳಿತಿದ್ದನಡಗಿ
ಅವನ ಎಳೆದು ಹೊರಗೆ
ಬೂತ ಹೇಳಿತು ಹೀಗೆ
ಎಲವೊ ನರ ಪ್ರಾಣಿ
ಮಾಡು ಒಂದು ದೋಣಿ
ಇಲ್ಲದಿದ್ದರೆ ನಿನ್ನ
ಬೇಯಿಸುವೆನು ಅನ್ನ
ಗಡಗಡನೆ ನಡುಗಿ
ಕೆತ್ತತೊಡಗಿದ ಬಡಗಿ
ತೋರಿಸಲು ಕೈಚಳಕ
ಆಯಿತು ಮನಮೋಹಕ
ಆಹಾ ಎಂದಿತು ಬೂತ
ದೊಣಿ ಮಜಬೂತ
ಒಡನೆ ಇಳಿಸುವೆ ನೀರಿಗೆ
ಎಂದೊಯ್ದಿತು ಕಡಲಿಗೆ
ಬಿಟ್ಟು ಮಳಲ ತೀರ
ಸಾಗಿತೆಷ್ಟೋ ದೂರ
ಅಷ್ಟರಲ್ಲಿ ನೀರು ಒಳಗೆ
ಯಾಕೆ ಎಂದು ನೋಡೆ ಕೆಳಗೆ
ಅರರೆ! ಏನಾಯಿತು
ಆಗುವುದೆ ಆಯಿತು!
ಕತೆಗೊಂದು ನೀತಿ
ಬೇಕಾದರೆ ಐತಿ
ಬೂತ ಬೂತವೇ
ಬಡಗಿ ಬಡಗಿಯೇ
*****
ದೀಪಾವಳಿಯ ಸೂಟಿಯನ್ನು ಕಳೆಯಲು ಊರಿಗೆ ಹೋಗಿದ್ದೆ. ಹಳ್ಳಿಗೆ ಹೋದಾಗೆಲ್ಲ ಕತೆಯ ಸುಬ್ಬಣ್ಣನ ಮನೆಗೆ ಹೋಗದಿದ್ದರೆ ನನ್ನ ಮನಸ್ಸು ಕೇಳುವದಿಲ್ಲ. ಊರಿಗೆ ಬಂದು ತನ್ನ ಮನೆಗೆ ಬರದಿದ್ದರೆ ಸುಬ್ಬಣ್ಣ ಬಿಡುತ್ತಾನೇ? ಅವನ ಆಮಂತ್ರಣ ಬರುವ ಮುಂಚೆಯೇ ಹೋಗುವದು ಉಚಿತವೆಂದು ತೋರಿತು. ಅವನ ಕತೆ ಕೇ...
ಒಂದು ತಿಂಗಳ ಮಗು ಹೆನ್ರಿ ನೋಡಲು ಬಲು ಮುದ್ದಾಗಿದ್ದ. ಸೇಬಿನ ಕೆನ್ನೆಗಳು, ದೊಡ್ಡ ಕಪ್ಪು ಕಣ್ಣುಗಳು, ತಲೆಯಲ್ಲಿ ಕೆಂಚು ಕೂದಲು, ನೀಳ ಮೂಗು, ಮುದ್ದಾದ ಪುಟ್ಟ ಬಾಯಿ, ನೋಡಿದೊಡನೆ ಹೇಳಬಹುದಿತ್ತು ಆ ಮಗು ಬ್ರಿಟಿಷ್ ತಂದೆ ತಾಯಿಗೆ ಹುಟ್ಟಿದವನೆಂದು. ತಂದೆ ಸ್ಮಿಥ್ ಮತ್ತು ತಾಯಿ ಮೇರಿಗೆ...
ಕೊನೆಗೊಮ್ಮೆ ಶಂಕರ ಹೂಂಗುಟ್ಟಲೇಬೇಕಾಯಿತು. “ಹುಡುಗಿ ಮನಸ್ಸಿಗೆ ಬಂದರೆ ಮಾತ್ರ ಆಗಿ. ಈ ವಿಷಯದಲ್ಲಿ ಒತ್ತಾಯಮಾಡಬರುತ್ತದೆಯೇ?” ಎಂದು ಶಿವರಾಮ ಹೆಗಡೆಯವರು ಶಂಕರನನ್ನು ಹೊರಡಿಸಿದರು. ದಾರಿಯುದ್ದಕ್ಕೂ ಹೆಗಡೆಯವರು ತಮ್ಮ ಮಗಳ ಗುಣಗಾನವನ್ನು ಪ್ರಸ್ತುತ ಅಪ್ರಸ್ತುತ ಪ್ರಶಂಸೆಗಳಿಂದ...
ಅಡಿಗೆಯ ಮನೆಯಿಂದ ಉಮೆಯು ಓಡಿ ಬಂದು “ನೀರಿನ ಕೊಡದ ಬಳಿಗೆ ಒಂದು ಕಪ್ಪೆ ಕುಳಿತಿದೆ. ಹೊರಗೆ ಹಾಕಿ ಕೊಡಿ” ಅಂದಳು. ತನಗೆ ಹೆದರದವಳು ಒಂದು ಕಪ್ಪೆಗೆ ಅಂಜುತ್ತಾಳಲ್ಲ ಅಂದುಕೊಂಡು ಉಮೇಶ ಒಳಗೆ ಬಂದ. ಕಪ್ಪೆಯು ಭದ್ರಾಸನ ಹಾಕಿತ್ತು. ಉಮೇಶ ಒಂದು ಸೌದೆಯಿಂದ ಕೊಡವನ್ನು ಕುಟ್ಟಿ...
ಹೊಲದ ಬದುವಿನ ಮೇಲೆ ಸಿದ್ದವ್ವ ಕುಳಿತಿದ್ದಳು. ಬಿಳಿ ಜ್ವಾಳದ ತೆನೆಗಳ ಮೇಲೆ ಹಾಯ್ದ ಗಾಳಿ ಒಂದೇ ಸಮನೆ ಬೀಸುತ್ತಿತ್ತು. ಇದೇ ಹೊಲದಲ್ಲಿ ತಾನು ಬಾಲ್ಯವನ್ನೆಲ್ಲಾ ಕಳೆದದ್ದು ನೆನಪಾಗಿ ಎಂಬತ್ತೈದರ ಸಿದ್ದವ್ವಳಿಗೆ ಮೈಯಲ್ಲಿ ಹರೆಯ ಉಕ್ಕಿ ಬಂದಂಗೆ ಆಯ್ತು. ತನ್ನ ಸೊರಗಿ ತೆಳುವಾದ ಕೈ ಕಾಲು...
