ಮೈಲಾರಯ್ಯ ಬಂದಾನಯ್ಯ ನಮ್ಮೂರಿಗೆ
ನಮ್ಮ ಹಿರಿಯೂರಿಗೆ ನಮ್ಮ ಸಿರಿಯೂರಿಗೆ
ತಂದಾನಿ ತಾನಿ ತಂದಾನೋ ||….
ಹಿರಿಯೂರ ನಡುಕಟ್ಟು ಬೇಲೂರ ಗೆಜ್ಜೆತಟ್ಟು
ಸಿರಿಯೂರ ಬಾಗ್ಲತಗ್ದು
ನಮ್ಮ ಸಿರಿಯೂರ ಬೆಳಗೌನೆ ಮೈಲಾರಯ್ಯ || ತಂದಾನಿ ||
ಮೈಲಾರಯ್ಯ ಬೆನ್ನನ್ನ ತಟ್ಟು ತವರೂರಿನ ಬೆನ್ನ ಹತ್ತು
ಸುಮ್ಮನೆ ಬಂದಿಲ್ಲವೊ ಮೈಲಾರಯ್ಯ
ಸುಗ್ಗಿಯ ತಂದ ಕಾಣಿರೋ || ತಂದಾನಿ ||
ಹೊನ್ನಿನ ಬಟ್ಲ ತಂದು ಮಣ್ಣಿನ ಹಾಡ ಹಾಡ್ಯಾನೆ
ಬತ್ತದ ತೊಟ್ಟ ತೂಗೌನೆ
ಬೆಳ್ಳಿಯ ರಥವ ತಂದೌನೆ || ತಂದಾನಿ ||
ಭಾರೀ ಚಪ್ಪರ ಹಾಕೌನೆ ತಂಗೀ ಮದ್ವೆ ಮಾಡೌನೆ
ಬೆಳ್ಳಿ ಹೂವಾನೆ ತಂದೌನೆ
ಆನಂದದ ಹೊಳೆಯ ಹರಸೌನೆ || ತಂದಾನಿ ||
ಮೈಲಾರಯ್ಯ ಬಂದಾನಯ್ಯ ನಮ್ಮೂರಿಗೆ
ನಮ್ಮ ಹಿರಿಯೂರಿಗೆ ನಮ ಸಿರಿಯೂರಿಗೆ
ತಂದಾನಿ ತಾನಿ ತಂದಾನೋ ||
*****
