೧
ಕೋಣೆಯ ಮೂಲೆಗೆ ಜಗುಲಿಯ ಕಟ್ಟಿ!
ಬೆಳ್ಳಿಯ ಮಂಟಪ ಮಾಡಿಸುತಿಟ್ಟಿ!
ಚಿನ್ನದ ಮುದ್ದಿಯ ಮೂರ್ತಿಯುಟ್ಟಿ!
ಎಡಬಲ ನಂದಾದೀಪಗಳಿಟ್ಟಿ!
೨
ಹಗಲಿರುಳೆನ್ನದೆ ಕಾಯುತಲಿರುವಿ!
ತಾಳ ತಂತಿಗಳ ಬಾರಿಸುತಿರುವಿ!
ಸವಿ ಸವಿ ತಿಂಡಿಯ ತೋರಿಸುತಿರುವಿ!
ಪುಣ್ಯವಪಡೆಯಲು ಹವಣಿಸುತಿರುವಿ!
೩
ಆರಿಗೆ ನಿನ್ನಯ ನಂದಾದೀಪ?
ಕೋಣೆಯ ಮೂಲೆಗೆ ನಂದಾದೀಪ?
ಚಿನ್ನದ ಮೂರ್ತಿಗೆ ನಂದಾದೀಪ?
ಸೂರ್ಯನ ತಂದೆಗೆ ನಂದಾದೀಪ?
೪
ಏನಿದುನಿನ್ನಯ ನಂದಾದೀಪ!
ಮುದುಕರ ಮುಂಗೈ ಎಲುವಿನದೀಪ!
ಬಡವರ ಕರುಳಿನ ಬತ್ತಿಯದೀಪ!
ಹೃಸದಯದ ರಕ್ತದ ತೈಲದದೀಪ!
೫
ನಿನಗೋ ನಿನಗೋ ನಂದಾದೀಪ!
ಬಡವನ ಗುಡಿಸಲಿ ಕತ್ತಲತಾಪ!
ನನಗೊ! ನಿನಗೋ ಗೆಜ್ಜಿಯಕುಣಿತ!
ಬಡವನ ತಾಯಿಗೆ ಸರ್ಪದಕಡಿತ!
೬
ಪುಣ್ಯವುಬೇಕೇ ಹೇಳುವೆಕೇಳು!
ನಿನ್ನೀ ನಂದಾದೀಪವು ಹಾಳು!
ದೂಡೋ ಬಡವನ ಕತ್ತಲ ಗೋಳು!
ಇಲ್ಲವೆ ದೇವರ ಕಂಗಳ ಕೀಳು!
*****
