ವಡ್ಡಯ್ಯ

ಕೋಲುಕೋಲನ್ನಿರೆ |
ವಡ್ಡಯ್ನ ಕೈಗಲ್ಲ ಕಲೆಯನ್ನಿರೆ ||ಪ||

ಬಮ್ಮ ತನ್ನ ಹಿರಿಮಗ ವಡ್ಡಯ್ಗೆ
ಕಲ್ಕೆಲಸ ಕಲಿಸಿ ಭೂಮಿಗೆ ಕಳುಹಿದ || ಕೋ || ೧

ಗುಡ್ಡದ ಬಿರಿಗಲ್ಲ ಹುಡ ಹುಡುಕುತ ಬಂದ
ಧರೆಗೆ ಶಿವಲಿಂಗ ಪೂಜೆಗೆ ಕೊರೆದ || ಕೋ || ೨

ತಂದೆ ಮಾತ ತಾ ಎದೆಯಲಿ ಇಟ್ಟು
ಮೊದಲು ಕೊರೆದ ಜ್ಯೋತಿರಲಿ೦ಗ || ಕೋ || ೩

ಲಿಂಗ ಮಂಟವ ಲೊಕಯನೆಂದು
ಪಾದಗಟ್ಟಿ ಬಸವನ ಕೊರೆದ ||ಕೋ || ೪

ಉಳಿ ಚಾಣ ಸುತ್ತಿಗೆಯನೆತ್ತಿ
ಕಟಿದು ಇಟ್ಟ ಹಂಪೆಯಲಿಂಗ || ಕೋ || ೫

ಕಲ್ಲುತೇರ ಕಮಲದ ಗುಡಿಯ
ಬಿಲ್ಲುಬಾಣ ರಾಮರ ಗುಡಿಯ || ಕೋ || ೬

ಹಾವಿನ್ಹಾಸಿಗೆ ಹರಿಯನು ಕೊರೆದ
ನಾಭಿ ಕಮಲದ ಬ್ರಹ್ಮನ ಕೆತ್ತಿದ || ಕೋ || ೭

ಲೋಕ ಹುಟ್ಟಿಸಿ ಆಟವ ಮಾಡುವ
ಮೂರುಗಣ್ಣ ಮುಕ್ಕಣ್ಣನ ಕೊರೆದ ||ಕೋ || ೮

ನುಣ್ಣಗೆ ಕೊರೆದ ಹೆಣ್ಣಿನ ರೂಪ
ಹೇಳಲುಬಾರದು ನೋಡಲುಬೇಕು || ಕೋ || ೯

ಮೇಣಬಸ್ತಿ ಮಿಗಿಲಾಗಿ ಕೊರೆದ
ಜಕ್ಕಣ ಗುಡಿಯ ಸುತ್ತಲು ಕಟ್ಟಿದ || ಕೋ || ೧೦

ಕಲ್ಲ ಕೋಳಿಗೆ ಚನಬಸವನ ಧೂಳಿ
ಕೋಳಿ ಕೂಗಿತು ಕಲಿಯುಗ ಮುಗಿಯಿತು || ಕೋ || ೧೧
*****