Home / ಲೇಖನ / ಇತರೆ / ದಿ ಡೈರಿ ಆಫ್ ಎ ಎಂಗ್ ಗರ್‍ಲ್ – ಆನ್‌ ಫ್ರಾಂಕ್ – ಬುಧವಾರ, ೨೪ ಜೂನ್, ೧೯೪೨

ದಿ ಡೈರಿ ಆಫ್ ಎ ಎಂಗ್ ಗರ್‍ಲ್ – ಆನ್‌ ಫ್ರಾಂಕ್ – ಬುಧವಾರ, ೨೪ ಜೂನ್, ೧೯೪೨

ಪ್ರೀತಿಯ ಕಿಟಿ,

ಅಂದು ಕುದಿಯುತ್ತಿರುವ ಧಗೆ. ಆ ಸೆಖೆಗೆ ನಾವೇ ಕರಗುತ್ತಿದ್ದೆವು. ಅಂತಹ ಸೆಖೆಯಲ್ಲಿ ನನಗೆ ಎಲ್ಲ ಕಡೆ ಓಡಾಡುವ ಕೆಲಸ. ಟ್ರಾಮ ಗಾಡಿಯಲ್ಲಿನ ಪ್ರಯಾಣ ಎಷ್ಟು ಚೆನ್ನ ಎಂದು ನಾನೀಗ ಹೊಗಳಬಲ್ಲೆ. ಆದರೆ ಅದನ್ನು ಯಹೂದಿಗಳಿಗೆ ನಿಷೇಧಿಸಲಾಗಿತ್ತು. ಕನಸಿನ ಕುದುರೆಗೆ ನಾವು ತೃಪ್ತರಾಗಬೇಕಿದೆ. ನಿನ್ನೆ ಊಟದ ಸಮಯದಲ್ಲಿ ನನಗೆ ಜಾನ್ ಲೆಕೆನಸ್ಟ್ರಾಟ್‌ನಲ್ಲಿನ ಹಲ್ಲಿನ ವೈದ್ಯರ ಬಳಿ ಹೋಗಬೇಕಿತ್ತು.

ಅದು Stamïdsstimmertuinen[ಫ್ರಾಂಕಳ ಸ್ಕೂಲು ಇದ್ದ ಊರು] ನಲ್ಲಿಯ ನಮ್ಮ ಶಾಲೆಯಿಂದ ತುಂಬಾ ದೂರವಿದೆ. ಆ ದಿನ ಹೆಚ್ಚು ಕಮ್ಮಿ ಮಧ್ಯಾಹ್ನ ನಾನು ಪೂರ್ತಿ ಮಲಗಿಬಿಟ್ಟಿದ್ದೆ. ಆದರೆ ಪುಣ್ಯಕ್ಕೆ ಡೆಂಟಿಸ್ಟ್‌ನ ಸಹಾಯಕಳು ಒಳ್ಳೆಯವಳಾಗಿದ್ದಳು. ನನಗಾಕೆ ಕುಡಿಯಲು ಪಾನೀಯ ಕೊಟ್ಟಳು.

ನಮಗೆ ದೋಣಿ ಪ್ರಯಾಣಕ್ಕೆ ಅನುಮತಿ ಇತ್ತು ಅಷ್ಟೇ. ಒಮ್ಮೆ ಜೊಸೆಫ ಇಸ್ರೇಲ್ಸ್ಕೇಡ್ ಎಂಬಾತ ತನ್ನ ಚಿಕ್ಕ ದೋಣಿಯಲ್ಲಿ ನಾವೆಲ್ಲ ಕೇಳಿದ ಮೇಲೆ ನಮ್ಮನ್ನು ಕರೆದೊಯ್ದಿದ್ದ. ನಮಗೊದಗಿದ ದುಸ್ಥಿತಿಗೆ ಡಚ್ ಜನರದೇನೂ ತಪ್ಪಿರಲಿಲ್ಲ.

ಈಸ್ಟರ ಹಾಲಿಡೇ ದಿನಗಳಲ್ಲಿ ನಾನು ಶಾಲೆಗೆ ಹೋಗಬೇಕಾಗಿಲ್ಲ ಎಂದುಕೊಳ್ಳುವೆ. ಕಾರಣ ನನ್ನ ಬೈಸಿಕಲ್ಲು ಕಳುವಾಗಿತ್ತು. ಅದಕ್ಕಾಗಿ ಡ್ಯಾಡಿ ಜಾಗ್ರತೆಯಾಗಿ ಇಟ್ಟುಕೊಳ್ಳುವ ಸಲುವಾಗಿ ಮಮ್ಮಿಯ ಸೈಕಲ್ಲನ್ನು ಕೂಡಾ ಕ್ರೈಸ್ತ ಕುಟುಂಬವೊಂದಕ್ಕೆ ಕೊಟ್ಟಿದ್ದಾರೆ. ದೇವರೇ! ನಿನಗೆ ಥಾಂಕ್ಸ್! ರಜಾದಿನಗಳು ಹತ್ತಿರವೇ ಇವೆ. ಒಂದೇ ವಾರವಿದೆ. ಸಂಕಟವೆಂದರೆ ನಿನ್ನೆ ಅದೇನೋ ಮೋಜಿನ ಸಂಗತಿ ನಡೆಯಿತು. ನಾನು ಬೈಸಿಕಲ್ ಶೆಡ್‌ಗಳನ್ನು ದಾಟಿ ಹೋಗುತ್ತಿದ್ದಾಗ ಅದ್ಯಾರೋ ನನ್ನನ್ನು ಕರೆದರು. ಸುತ್ತಲೂ ನೋಡಿದೆ. ಅಲ್ಲೊಬ್ಬ ಸುಂದರ ಹುಡುಗ ನಿಂತಿದ್ದ, ಅದೇ ನಿನ್ನೆ ಸಂಜೆ ನನ್ನ ಗೆಳತಿ ಇವಾಳ ಮನೆಯಲ್ಲಿ ಭೇಟಿ ಮಾಡಿದವನಾಗಿದ್ದ. ನಾಚಿಕೆಯಿಂದಲೇ ನನ್ನತ್ತ ಬಂದು ತನ್ನನ್ನು ಹ್ಯಾರಿ ಗೋಲ್ಡಬರ್ಗ ಎಂದು ಪರಿಚಯಿಸಿಕೊಂಡ. ಆತನೇನು ಬಯಸುತಿದ್ದ ಎಂಬುದರ ಕುರಿತು ನನಗೆ ಕುತೂಹಲವಿರಲಿಲ್ಲ. ಹಾಗಾಗಿ ನಾನು ಆಶ್ಚರ್ಯಗೊಳ್ಳಲಿಲ್ಲ. ಆದರೆ ನನಗೆ ಬಹಳ ಹೊತ್ತು ಅಲ್ಲಿ ನಿಲ್ಲಲು ಸಾಧ್ಯವಿರಲಿಲ್ಲ. ನಾನು ಅತನಿಗೆ ಶಾಲೆವರೆಗೂ ಕಂಪನಿ ಕೊಡುವಂತೆ ಕೇಳಿದ. ನಾನು ಹೋಗುವ ದಾರಿಯಲ್ಲಿ ಬರುತ್ತಿಯಾದರೆ, ನಾನು ಬರುವೆ ನಾನು ಉತ್ತರಿಸಿದೆ. ಹಾಗೆ ನಾವಿಬ್ಬರೂ ಜೊತೆಯಾಗಿ ಹೊರೆಟೆವು. ಹ್ಯಾರಿ ಹದಿನಾರು ವರ್ಷದವ. ಮತ್ತು ಎಲ್ಲ ರೀತಿಯ ರಂಜನೀಯ ಕಥೆಗಳನ್ನು ಹೇಳಬಲ್ಲ. ಈ ದಿನ ಮುಂಜಾನೆ ಕೂಡಾ ಆತ ನನಗಾಗಿ ಕಾಯುತ್ತಿದ್ದ. ಇನ್ನು ಮುಂದೆ ಕೂಡಾ ಆತನನ್ನು ನಾನು ನಿರೀಕ್ಷಿಸುತ್ತೇನೆ.

ನಿನ್ನ
ಆನ್
*****

Tagged:

Leave a Reply

Your email address will not be published. Required fields are marked *

ಒಂದೇ ರೂಮಿನಲ್ಲಿದ್ದರೂ ಅವನನ್ನು ನನ್ನ ಸ್ನೇಹಿತ ಎಂದು ಮನಸ್ಸು ಒಪ್ಪಿಕೊಂಡಿರಲಿಲ್ಲ. ರಾತ್ರಿ ನಿದ್ದೆಗಾಗಿ ಮಾತ್ರ ಅವನಿಗದೊಂದು ರೂಮು. ಊಟತಿಂಡಿ ಎಲ್ಲಾ ಹೋಟೆಲ್ಲು. ನಾನು ಸಂಜೆ ಏಳಕ್ಕೆ ರೂಮಿಗೆ ಬಂದರೆ ಅವನು ಹತ್ತಕ್ಕೆ ಬರುತ್ತಿದ್ದ. ಬೆಳಿಗ್ಗೆ ಅವನು ಹತ್ತಕ್ಕೆ ಹೊರಟರೆ ನಾನು ಒಂದ...

ಚಾಮುಂಡಿ, ದುರ್ಗಿ, ಕಾಳಿ, ಶಂಕರಿ, ಮಾರಿ ಮೊದಲಾದ ದೇವಿಗಳಿಗೂ : ಆಂಜನೇಯ, ವಲ್ಲಭರಾಯ, ನರಸಿಂಹ ಮೊದಲಾದ ದೇವರುಗಳಿಗೂ ನಮ್ಮೂರಲ್ಲಿ ಏನೂ ಕೊರತೆಯಿಲ್ಲ. ಇಲ್ಲೊಂದು ಶಂಕರಿ ದೇವಾಲಯ ಬಹುಕಾಲದಿಂದಲೂ ಇದೆ. ಅದನ್ನು ಕಟ್ಟಿಸಿದವರು ಯಾರೆಂಬುದೇ ಗೊತ್ತಿಲ್ಲ. ಪ್ರತಿ ಶನಿವಾರ ಅಭಿಷೇಕ, ಶುಕ್ರ...

ರಾಜ ನಿಮಗೆ ಗೊತ್ತೆ? ಇಲ್ಲ? ಆತ ನನ್ನ ಸ್ನೇಹಿತ, ಆಪ್ತ ಸ್ನೇಹಿತ. ಅವನಿಗೂ ಕತೆ ಬರೆಯುವ ಹುಚ್ಚಿದೆ. ಆದರೆ ಬರೆದು ಸಂಪಾದಿಸಿ ಬದುಕುವ ಹಟವಿಲ್ಲ. ಹಾಗೆಂದೇ, ತಕ್ಕಮಟ್ಟಿಗೆ ಸಂಪಾದನೆ ಇರುವ ಬೇರೆ ಉದ್ಯೋಗದಲ್ಲಿದ್ದಾನೆ! ರಾಜ ಬರೆದಿರುವ ಒಂದು ಕಥೆ ನನ್ನಲ್ಲಿದೆ. ಓದಿ ನೋಡುತ್ತೀರಾ? ನಿಮ...

ಅಂದು ನಾನು, ನಮ್ಮ ತಾತ, ನನ್ನ ತಂಗಿ ಎಲ್ಲರೂ ಕಣದಲ್ಲಿ ಕುಳಿತುಕೊಂಡು ಹರಟೆ ಹೊಡೆಯುತ್ತಿದ್ದೆವು. ಸುಗ್ಗಿಯ ಕಾಲವಾದ್ದರಿಂದ ರೈತರು ಮತ್ತು ಆಳುಗಳು ಕಣದಲ್ಲಿ ಕೆಲಸ ಮಾಡುತ್ತಿದ್ದರು. ನಮ್ಮ ತಾತನು ಆ ಮಾತು ಈ ಮಾತು ಆಡುತ್ತಿದ್ದರೂ, ಆತನ ಒಂದು ಕಣ್ಣು ಮಾತ್ರ ಕೆಲಸಗಾರರ ಮೇಲೆಯೇ ಇರುತ್...

ರಾಜಗೃಹದ ಬಳಿಯ ಗೃಧ್ರಕೂಟ ಪರ್ವತ. ಪರಮಾತ್ಮನಾದ ಬುದ್ಧದೇವನ ಪವಿತ್ರ ಪಾದಧೂಳಿಯಿಂದ ಪುನೀತವಾದ ಗಿರಿವರದ ನೆತ್ತಿ. ನೆತ್ತಿಯ ನೆಲೆಯಲ್ಲಿ ಎರಡು ಗುಹೆಗಳು. ಅಲ್ಲಿ ಇಬ್ಬರು ಬೌದ್ಧ ಸನ್ಯಾಸಿಗಳು ಧ್ಯಾನಶೀಲಾನುಷ್ಠಾನಾದಿಗಳಿಂದ ನಿರ್‍ವಾಣವನ್ನು ಸಾಧಿಸುತ್ತಿದ್ದರು. ಇಬ್ಬರೂ ಅಕ್ಕ ಪಕ್ಕದ ...

ವ್ಹಾಲೆಂಟಾಯಿನ್ ಡಿಗ್ಬಿಯು ಭೋಜನವನ್ನು ತೀರಿಸಿಕೊಂಡು ‘ಹಾವಾನಾ ಸಿಗರ’ (ತಂಬಾಕದ ಸುರುಳೆ) ಸೇದುತ್ತೆ ತನ್ನ ಆರಾಮ ಕುರ್ಚಿಯಲ್ಲಿ ಯಥಾಸುಖವಾಗಿ ಕುಳಿತು ಏನೇನೋ ವಿಚಾರ ಮಾಡುತ್ತಿದ್ದನು. ಸುಗಂಧಿತವಾದ ಸಿಗರದ ಹೊಗೆಯು ಕಾಮಿನಿಯ ಕೇಶಕಲಾಪದಂತೆ ಸುರುಳೆ ಸುರುಳೆಯಾಗಿ ಅಂತರಿಕ್ಷದಲ್ಲಿ ಗಾಳ...