ಕಯ್ಞಾದ್ ಔಸ್ದಿ ಕುಡದೋನಂಗೆ
ಮೊಕಾನ್ ಯಾಕ್ ಸಿಂಡರ್‍ಸ್ತಿ?
ನಿಂಗೊಂದ್ ದುಕ್ಕ ಬಂದಿದ್ರ್, ಅದನ
ನಂಗಳ್ ಮುಂದ್ ಯಾಕ್ ಇರ್‍ಸ್ತಿ?
ನಮಗ್ಯಾಕ್ ದುಕ್ಕ ತರ್‍ಸ್ತಿ?
ಮುಕದಾಗ್ ಸೋನೆ ಯಿಡಕೊಂಡಂಗೆ
ಗೋಳ್ಯಾಕ್ ಸುಂಕೆ ಸುರ್‍ಸ್ತಿ? ೧
ದುಕ್ಕಾನ್ ಒತ್ಕೊಂಡ್ ಬಂದೋರ್ ನಾವು!
ಒತ್ಕೊಂಡ್ ಓಗೋರ್ ನಾವು!
ಸಿಕ್ದೋರತ್ರ ಯೋಳ್ಕೊಂಡಾಕ್ಸ್ನೆ
ಆರೋಗ್ತೈತ ಕಾವು!
ಸಾಯ್ತದೇನ್ ಈ ಆವು?
ಆರೋಕಿಲ್ಲ! ಸಾಯೋಕಿಲ್ಲ!
ಆರ್‍ಸಿ ಸಾಯ್ಸೋರ್ ನಾವು! ೨
ನಂ ನಂ ದುಕ್ಕ ನಂನಂಗೇನೆ
ವೊರಲಾರದಸ್ಟಸ್ಟ್ ಐತೆ!
ಜತೇಗ್ ನಿಂದೂ ಇರಲಂತಂದ್ರೂ
ಅದರಿಂದ ಏನಾಗ್ತೈತೆ?
ಏನ್ ಬಂದಂಗ್ ಆಯ್ತೈತೆ?
ಅವರಿವರತ್ರ ಅತ್ರೆ ನಿಂಗೆ
ದುಕ್ ಏನ್ ಕಮ್ಯಾಗ್ತೈತೆ? ೩
ನಂ ನಂ ದುಕ್ಕ ಸಿಕ್ದೋರತ್ರ
ಮಾಡ್ತಾನಿದ್ರೆ ಮಾಜರ್
ಕೇಳೋರ್ ಎದರಾಗ್ ಇರೊಗಂಟ್ಲೂನೆ
ದುಕ್ಕಾನೆ ಗೈರಾಜರ್!
ನಾವೆ ದೊರೆಗೊಳ್! ರಾಜರ್!
ಕೇಳೋವ್ರೇನ್ರ ಅಂಗೋಯ್ತಂದ್ರೆ
ತಕ್ಕೊ! ದುಕ್ಕ ಆಜರ್! ೪
ದುಕ್ಕ ಗಿಕ್ಕ ಎಲ್ಲ ನೋಡು
ನಂ ನಂ ಮನಸಿದ್ದಂಗೆ!
ಮನಸಿನ್ ಲಗಾಮ್ ನಂ ಕೈಲಿದ್ರೆ
ಇಲ್ದಿದ್ ಇರೋವಂಗೆ!
ಇರೋದ್ ಇಲ್ದಿದ್ದಂಗೆ!
(ಯೆಂಡ ಕುಡದೋನ್ ಮಾತ್ ಅಂತೇಳಿ
ನಗಬೇಡೋ ಏ ಪೆಂಗೆ!) ೫
ದುಕ್ಕ ಇದ್ರೆ ಇತ್ತಂತೇಳು!
ಸಂತೋಸಾನ ಗಳ್ಸು!
ಮಾರೆ ಮೇಗಿನ್ ಇಸ್ಟೇಜಿಂದ
ದುಕ್ಕಕ್ ಕತ್ತ್ ಇಡದ್ ತಳ್ಸು!
ನೆಗೀನ್ ಪರದೆ ಬಿಳ್ಸು!
ಯಿಂಗೆ ದುಕ್ಕಕ್ ದಪ್ಫನ್ ಮಾಡಿ
ಅದಕ್ಕ್ ಕೊಸೆ ಕೀಳ್ಸು! ೬
*****
