ಬದುಕಿನ ಯಾವುದೇ ಕ್ಷಣಗಳಿರಲಿ
ಮನವುನೊಂದು ಘಾಸಿಗೊಂಡಿರಲಿ
ಆದರೆ ಮನವನ್ನು ಓಲೈಸಲು ನಿ
ಕೆಟ್ಟದಕ್ಕಾಗಿ ಪದರು ಹಾಸದಿರಲಿ
ಮನದಲಿ ನಿರ್‍ಧಾರವೇ ಅಚಲವಾಗಿರಲಿ
ಏಕೆಂದರೆ ಮನವು ನಿನ್ನದಲ್ಲವೇ
ನೀ ನಾಡಿದ ಮಾತು ಪಾಲಿಸಬೇಕೆಂದು
ಮನಕ್ಕೆ ಆಜ್ಞೆಯ ನೀಡುವುದಿಲ್ಲವೆ!
ಕೆಟ್ಟ ಆಲೊಚನೆ ಮನದಲ್ಲಿದ್ದಾಗ
ತನುವ ದಂಡಿಸಿ ಮನಕ್ಕೆ ಶಿಕ್ಷಿಸು
ಅತ್ತ ಇತ್ತ ಸುಳಿದು ಪಾಪಿಯಾಗದಂತೆ
ಮನಕ್ಕೆ ನಿತ್ಯವು ನೀನು ರಕ್ಷಿಸು
ಮನವ ತಿದ್ದಲು ಕಟುಕನಾಗು
ಮನಕ್ಕೆ ತಿಳಿಸಲು ಗುರುವಾಗು
ಹೆಜ್ಜೆ ಹೆಜ್ಜೆ ನಿನ್ನ ಕರ್‍ಮಗಳಿಗೆಲ್ಲ
ಕಾರಣವಾಗುವ ಮನಕ್ಕೆ ದಾರಿಯಾಗು
ಇಂದ್ರಿಯ ಚಪಲದಿ ಮನವ ಥಳಿಸಿ
ಪರಮಾತ್ಮನ ಪಾದಕ್ಕೆ ನಮನ ಪಡಿಸು
ಮನವು ಶುದ್ಧವಾಗಿ ಆತ್ಮವಾಗಲು
ಮಾಣಿಕ್ಯ ವಿಠಲನಾಗಿ ಹೆಜ್ಜೆ ಇರಿಸು
*****
