ಕನ್ನಡ ನಲ್ಬರಹ ತಾಣ
ಬಾ ನನ್ನ ಚೇತನ
ಆಗು ನವನಿಕೇತನ ||
ಹೃದಯ ಮಿಡಿವ ಮನವ ತುಡಿವ
ನವರಾಗದ ನವಚೇತನ || ಬಾ ||
ಕತ್ತಲೆಯಡಿಯಲ್ಲಿಹೆ ನಾನು |
ಮಿಡಿವ ಶೃತಿಯ ಮಾಲೆ ಧರಿಸಿ ||
ನಾನೊಂದೆ ಬಲು ನೊಂದೆ |
ಬೆಳಕ ಚೆಲ್ಲು ಮನಕೆ ತಂಪ ನೀಡುತ || ಬಾ ||
ಭರತ ಮಾತೆಯ ಮಡಿಲ ಕುಸುಮ |
ಬಿರಿದ ಹೂ ಮಲ್ಲಿಗೆ ಘಮಘಮ ||
ತನ್ನ ಕರುಳ ಬಳ್ಳಿ ಎಂದ ಮನ
ನನ್ನ ತಾಯಿಯೆದೆ ಹೂಮನ || ಬಾ ||
ಹೊಸಕದಿರು ರಾಗರೆಂಜಿನಿಯಲಿ
ತಾಳ ತಪ್ಪದಿರು ಮತ್ತೆ ||
ಆಗು ನೀನಾಗು ಕಲ್ಪತರು ಕಾಮಧೇನು |
ನವ ಭಾರತ ಚೇತನ
ನನ್ನ ಮನವ ಮಿಡಿಯುವ ನವನಿಕೇತನ || ಬಾ ||
*****
(ರಾಷ್ಟ್ರ ಕವಿ ಕುವೆಂಪುರವರ ಗೀತೆಯ ಸ್ಫೂರ್ತಿಯಿಂದಾದ ಕವಿತೆ)
ಬೆಳಗ್ಗಿನ ಜಾವ, ಬೆಟ್ಟದ ಮೇಲಿನ ತನ್ನ ಕುಟೀರದ ವರಾಂಡದಲ್ಲಿ ಮಲಗಿದ್ದ ಮುದುಕನಿಗೆ ಎಚ್ಚರವಾಯಿತು. ಸುಮಾರು ಆರು ಅಂಗುಲ ಉದ್ದದ, ಅಲ್ಲಲ್ಲಿ ಹಳದಿ ಬಣ್ಣಕ್ಕೆ ತಿರುಗಿದ ತನ್ನ ಬಿಳಿ ದಾಡಿಯ ರಾಶಿಯ ಮಧ್ಯೆ ತನ್ನ ಎಡಕೈಯ ಬೆರಳುಗಳನ್ನು ತೂರಿಸಿಕೊಂಡು, ಸಿಕ್ಕು ಬಿಡಿಸುತ್ತಾ ಸೂರನ್ನು ದಿಟ್...
ಭಾಗ ೧ ಒಂದು ಯುನಿವರ್ಸಿಟೀನಲ್ಲಿ ಆಧ್ಯಾಪಕನಾಗಿರುವ ನಾನು ಕ್ಯಾಂಪಸ್ ಆವರಣದೊಳಗೇ ಇರುವ ಫ್ಲಾಟೊಂದರಲ್ಲಿ ಹೆಂಡತಿ ಮಕ್ಕಳ ಜತೆ ಮನೆ ಮಾಡಿಕೊಂಡಿದ್ದೇನೆ. ಮನೆ ಮತ್ತು ಆಫೀಸಿಗೆ ಹೆಚ್ಚೇನೂ ದೂರವಿಲ್ಲದ ಕಾರಣ ವಾಹನಗಳಿಗೆ ವೃಥಾ ಕಾಸು ಖರ್ಚು ಮಾಡಬೇಕಾದುದಿಲ್ಲ. ಮಧ್ಯಾಹ್ನ ಲಂಚಿಗೆ ಕೂಡ ಮನ...
