ಆಸೆಗಳಿಗೆ ದಾಸನಾಗದಿರು ಮನುಜ
ಕಷ್ಟಗಳಿಗೆ ನಿತ್ಯವೂ ಕೈಚಾಚು
ನರದೇಹವು ನಿನ್ನದು ಶಾಶ್ವತವಲ್ಲವು
ಮೋಹ ಸಂದೇಹಗಳ ಮರೆಮಾಚು
ಆತ್ಮವು ದೇಹದ ಆಲಯದಲ್ಲಿದ್ದರೂ
ದೇಹದಾಚೆಗೂ ಅದು ಪಸರಿಸಿದೆ
ಕಾಲಕ್ಕೆ ತಕ್ಕಂತೆ ದೇಹ ಬದಲಿಸಿದರೂ
ಆತ್ಮ ಕಾಲಾತೀತವಾಗಿ ಬೆಳಗಿದೆ
ಇಂದ್ರಿಯ ಸುಖ ಭೋಗಗಳೇ ನಿಷ್ಠೆ
ಇದು ದೇಹದ ನಿತ್ಯ ಪರಿಪಾಠ
ಎಷ್ಟೋ ಜನುಮಗಳ ವರೆಗೂ ಹೀಗೆ
ಆತ್ಮಕ್ಕೆ ದಾರಿತಪ್ಪಿಸಲು ಆಗಿದೆ ಕಾಟ
ಆತ್ಮೋದ್ಧಾರಕ್ಕೆ ಶರೀರವಾಗಲಿ ಇಂಬು
ಮುಕ್ತಿ ಮಾರ್ಗಕ್ಕೆ ಆಗಲಿ ಸೋಪಾನ
ದೇಹ ಆತ್ಮದೊಂದಿಗೆ ಪಾದವಿರಿಸಲಿ
ಮಾಣಿಕ್ಯ ವಿಠಲನೆ ಶಾಶ್ವತ ತಾಣ
*****
