ಹಿರಿದು ಯಾವುದೇ ಇರಲಿ-ಅದನು
ನರೆಯುವ ದೇಶ ನನ್ನದು,
ಎಲ್ಲ ದಿಕ್ಕಿನ ಬೆಳಕಿಗು ಬಾಗಿಲ
ತರೆಯುವ ದೇಶ ನನ್ನದು.
ತನ್ನದಲ್ಲದ ಅನ್ಯಧರ್ಮಗಳ
ಮನ್ನಿಸಿದಾ ನೆಲ ನನ್ನದು,
ಸಕಲ ಧರ್ಮಗಳ ಸಾಕಿದ ತಾಯಿ
ಸನಾತನ ದೇಶ ನನ್ನದು.
ದೇವಾಲಯದ ಗರ್ಭಗೃಹದ
ಹಣತೆಯ ಬೆಳಕಿನ ಹಾಗೆ,
ಇಲ್ಲಿಯ ಸಂಸ್ಕೃತಿ ಬಗೆಬಗೆ ಕಾಂತಿಯ
ಬಣ್ಣದ ಗರಿಗಳ ಸೋಗೆ.
ಹಿಮಗಿರಿ ವಿಂಧ್ಯಾಚಲ ಸಹ್ಯಾದ್ರಿ
ನಿಂತು ಕಾಯುವಾ ನಾಡು,
ಯಮುನೆ ಗಂಗೆ ಕೃಷ್ಣಾ ತುಂಗೆ
ಬಳಸಿ ಹಾಯುವಾ ಬೀಡು.
ಎಲ್ಲ ಜನ್ಮಗಳು ಇಲ್ಲಿಯೆ ಆಗಲಿ
ಇದೇ ತಾಯ ಮಡಿಲಲ್ಲಿ,
ನನ್ನ ಮಸ್ತಕವು ಸದಾ ನೆಲಸಿರಲಿ
ಭರತಮಾತೆಯಡಿಯಲ್ಲಿ.
*****
