ಹುಟ್ಟುತಲೆ ನನ್ನ ಜನ್ಮ ಬಡಕುಟುಂಬದಲ್ಲಿಯೇ
ಮುಂದೆ ಮುಂದೆ ಬೆಳೆಯಲು ಬಡಕುಟುಂಬವೇ ಕಾರಣ||
ನಾನು ಬಡಕುಟುಂಬದಲ್ಲಿ ಜನಿಸಿ ಶ್ರೀಮಂತನೆಂದು
ಅರಿತು ಸುಖ ದುಃಖಗಳೆಲ್ಲವು ನಾ ಕಂಡೆ
ನಾನು ಬಡವನೆನ್ನದೇ ಹಿಂಜರಿಯದೇ
ಸಾಧನೆಯ ಸಾಧಿಸುವಲ್ಲಿ ಮುಂದುವರೆದೆ
ಜೀವನದಲ್ಲಿ ಮಾತೃದೇವೋಭವ
ಪಿತೃದೇವೋಭವ ಜೊತೆಗೆ ದರಿದ್ರ
ದೇವೋಭವ ಸಿರಿವಂತಿಕೆ ಉಕ್ತಿಯನ್ನು
ಜೀವನದಲ್ಲಿಯೇ ನಾ ಅಳವಡಿಸಿಕೊಂಡೆ.
ಸಾಧನೆಗೆ ಅಸಾಧ್ಯವಾದುದು ಯಾವುದಿಲ್ಲ
ಸಾಧಿಸಬೇಕೆಂಬ ಛಲಮಾತ್ರ ಬೇಕು
ಎಂಬುದನ್ನರಿತು ಸಾಧಿಸಲು ಹಗಲಿರುಳು
ಪ್ರಯತ್ನಿಸಿ ಸಾಧನೆಯ ಯಶಸ್ಸು ನಾ ಕಂಡೆ
ಅಜ್ಞಾನವೆಂಬ ಕತ್ತಲೆಯು ನಾ ಕಳಕೊಂಡೆ
ಸುಜ್ಞಾನವೆಂಬ ಬೆಳಕು ನಾ ಪಡಕೊಂಡೆ
ಭಾವಿ ಜೀವನದ ಅಮರ ಜ್ಯೋತಿಯಾದೆ
ಅವಗುಣಗಳೆಂಬ ಬೇರು ಅಳಿಸಿಕೊಂಡೆ.
*****
