ನಾಲ್ಕು
ದಾರಿಗಳು ಸೇರುವ ಇಲ್ಲಿ
ಬಹುದಿನಗಳಿಂದ ಒಬ್ಬ
‘ಮುದುಕ’
ಕೋಲು ಹಿಡಿದು ನಿಂತಿದ್ದಾನೆ
ವೃತ್ತ
ಸುತ್ತಿಕೊಂಡು ಹೋಗುವ
ಜನ
ಯಾರನ್ನೂ ಗಮನಿಸುವುದಿಲ್ಲ
ಅವಸರದಲಿ
ನಡುವೆ ನಿಂತ ಅರೆ ಬೆತ್ತಲೆ
ಫಕೀರನನು
ಅಲ್ಲೇ ಮಲಗಿರುವ
ದನಗಳನೂ…
ಮುರುಕು ಚಾಳೀಸು
ಹರಕು ಪಂಚೆ
ನಿಂತ ಗಡಿಯಾರ
ಕದ್ದೊಯ್ದವರ
ಹಿಡಿದು ತರಲಿ ಎಲ್ಲಿಂದ
ನಡಿಯಲು ಸಾಕ್ಷಿ
ಕಿವಿ ಕಣ್ಣಿರದ ಕಟಕಟೆಗೆ?
ಖಾದಿ ಖದರಿನ
ಟೋಪಿ
ಜನಗಳ ನಡುವೆ
ಕಾಣೆಯಾಗಿರುವ ಮುದುಕ
ಹುಡುಕಿಕೊಡಿ
ನಿಮ್ಮ ಎದೆಯ ಮೂಲೆಯೊಳಗೆ
ಎಲ್ಲಾದರೂ
ಅವಿತುಕೊಂಡಿದ್ದರೆ
ನೆನಪಿರಲಿ
ಅವನ ಕೈಯೊಳಗೊಂದು
ಕೋಲಿದೆ!
*****
ಕರೀಮನ ಹತ್ತಿರ ಒಂದು ಪಿಟೀಲು ಇದೆ. ಅದನ್ನು ಅವನು ಒಳ್ಳೆ ಮಧುರವಾಗಿ ಬಾರಿಸುತ್ತಾನೆ. ಬಾರಿಸುತ್ತ ಒಮ್ಮೊಮ್ಮೆ ಭಾವಾವೇಶದಲ್ಲಿ ತನ್ನನ್ನು ತಾನು ಮರೆತುಬಿಡುತ್ತಾನೆ. ಕರೀಮನ ಪಿಟೀಲುವಾದವೆಂದರೆ ಊರ ಜನರೆಲ್ಲರೂ… Read more…
ಶಕೀಲಾ ಇನ್ನೂ ಮನೆಗೆ ಬಂದಿಲ್ಲ ಮೈಮೇಲೆ ಮುಳ್ಳುಗಳು ಎದ್ದಂಗಾಗದೆ. ಅಸಲು ಜೀವಂತ ಅದಾಳೋ? ಉಳಿದಾಳೆ ಜಿಂದಾ ಅಂಬೋದಾದ್ರೆ ಎಲ್ಲಿ? ಕತ್ಲೆ ಕವ್ಕತಾ ಅದೆ. ಈಗಷ್ಟೇ ಒಂದು ಗಂಟೆ… Read more…
"ಏ ಕಾಗಿ, ಕಾಳೀ ಮಗನ! ಯಾಕ ಕೂಗ್ತೀಯಾ?" ಭಾವಿಯಲ್ಲಿಯ ಹಗ್ಗ ಮೇಲೆ ಕೆಳಗೆ ಹೋಗುತ್ತಿರುತ್ತದೆ. ಒಂದು ಮೊಳ ಹಗ್ಗ ಸೇದಿದರೆ ಅರ್‍ಧ ಮೊಳ ಒಳಗೆ ಸೇರಿರುತ್ತದೆ. "ಥೂ… Read more…
ಧಾರಾಕಾರವಾಗಿ ಮಳೆ ಸುರಿಯುತ್ತಿತ್ತು. ದೊಡ್ಡದೊಡ್ಡ ಮರಗಳು ಭೋರ್ ಎಂದು ಬೀಸುವ ಗಾಳಿಯಲ್ಲಿ ತೂಗಾಡುತ್ತಿದ್ದವು. ಇಂಗ್ಲೆಂಡಿನ ಆ ಚಳಿ ಮಳೆಯಲ್ಲಿ ಎರಡು ಆಪ್ತಮಿತ್ರ ಜೀವಗಳು ಒಂದನ್ನು ಅನುಸರಿಸಿ ಇನ್ನೊಂದು… Read more…
ಆ ಹಣ್ಣು ಮುದುಕ ಎಲ್ಲಿಂದ ಬರುತ್ತಾನೆ, ಎಲ್ಲಿಗೆ ಹೋಗುತ್ತಾನೆ ಎಂದು ಯಾರಿಗೂ ತಿಳಿಯದು. ಆದರೆ ಎಲ್ಲರೂ ಅವನನ್ನು ಕಲ್ಲು ಬೆಂಚಿನ ಮುದುಕ ಎಂದೇ ಕರೆಯುತ್ತಾರೆ. ಪ್ರೈಮರಿ ಶಾಲೆಯ… Read more…
