ನಾನು

ಅಂದು ಬೆಳಗಿನ ಊಟಕ್ಕೆ ಕುಳಿತ ಗುರುಗಳು ಕೇಳಿದರು.
‘ಇಂದು ಅನ್ನ ಮಾಡಿದವರಾರು?’
“ನಾನು” ಎಂದ ಶಿಷ್ಯ.
‘ಬರಿ ನೀನು ಇರಲು ಅನ್ನವಾಯಿತೇ?’
‘ಇಲ್ಲ ಅಕ್ಕಿ ಬೇಕೇ ಬೇಕು’
‘ಬರಿ ಅಕ್ಕಿ ಇರಲು ಅನ್ನವಾಯಿತೇ?’
‘ಇಲ್ಲ ಗುರುಗಳೇ! ನೀರು ಬೇಕಾಯಿತು!’
‘ಅಕ್ಕಿ, ನೀರು ಇರುವಾಗ, ಅನ್ನವಾಯಿತೇ?’
‘ಇಲ್ಲ ಗುರುಗಳೇ! ತಪ್ಪಲೆ ಬೇಕಾಯಿತು!’
‘ಅಕ್ಕಿ, ನೀರು, ತಪ್ಪಲೆಯಿಂದ ಅನ್ನವಾಯಿತೇ?’
‘ಇಲ್ಲ ಗುರುವೆ! ಒಲೆ ಬೇಕಾಯಿತು’
‘ಅಕ್ಕಿ, ನೀರು, ತಪ್ಪಲೆ, ಒಲೆ ಇದ್ದಾಗ ಅನ್ನವಾಯಿತೇ?’
‘ಇಲ್ಲ ಒಲೆ ಹಚ್ಚಲು ಬೆಂಕಿಪೊಟ್ಟಣ ಬೇಕಾಯಿತು’.
‘ಬೆಂಕಿ ಪೊಟ್ಟಣ ಸಿಕ್ಕಾಗ ಅನ್ನವಾಯಿತೇ?’
‘ಇಲ್ಲ ಕಡ್ಡಿ ಗೀರಿ, ಒಲೆ ಹೊತ್ತಿಸಿ, ನೀರು ಕುದ್ದು, ಅಕ್ಕಿ ಬೆಂದು, ಗಂಜಿ ತೆಗೆದು, ಬೆಂದ ಅಕ್ಕಿ ಕಾಳು ಹದಗೊಂಡ ಮೇಲೆ ಅನ್ನವಾಯಿತು’.
‘ಹಾಗಾದರೆ ಅನ್ನ ಮಾಡಲು ಇಷ್ಟೆಲ್ಲಾ ಇರುವಾಗ ಕೊನೆಗೆ ನೀನು ಬೇಕಾಯಿತಲ್ಲವೇ?’
‘ಹೌದು ಗುರುವೆ!’ ಎಂದ ಶಿಷ್ಯ.
‘ಅನ್ನ ಯಾರು ಮಾಡಿದ್ದು ? ಅಂದಾಗ ‘ನಾನು’ ಎಂದು ಮೊದಲು ಹೇಳಿದೆ. ಆದರೆ ಅನ್ನ ಮಾಡಲು ಕೊನೆಯ ಅಗತ್ಯ ನೀನಾಗಿದ್ದಿ. ಎಲ್ಲಾ ಪದಾರ್ಥಗಳ ಕೊನೆಯಕೊಂಡಿಯಾದ ‘ನಾನು’ ಎಂದು ಮೊದಲು ಹೇಳಿಬಿಟ್ಟೆಯಲ್ಲಾ ಎಂದು ಗುರುಗಳು ಹೇಳಲು ಶಿಷ್ಯನಿಗೆ ಎಲ್ಲಾ ಕರ್ಮದಲ್ಲೂ ‘ನಾನು’ ಎಂಬುದು ಕೊನೆಯದು, ಕನಿಷ್ಠದ್ದು ಎಂಬುದರ ಅರಿವಾಯಿತು.
*****

Tagged:

Leave a Reply

Your email address will not be published. Required fields are marked *

ಒಂದೇ ರೂಮಿನಲ್ಲಿದ್ದರೂ ಅವನನ್ನು ನನ್ನ ಸ್ನೇಹಿತ ಎಂದು ಮನಸ್ಸು ಒಪ್ಪಿಕೊಂಡಿರಲಿಲ್ಲ. ರಾತ್ರಿ ನಿದ್ದೆಗಾಗಿ ಮಾತ್ರ ಅವನಿಗದೊಂದು ರೂಮು. ಊಟತಿಂಡಿ ಎಲ್ಲಾ ಹೋಟೆಲ್ಲು. ನಾನು ಸಂಜೆ ಏಳಕ್ಕೆ ರೂಮಿಗೆ ಬಂದರೆ ಅವನು ಹತ್ತಕ್ಕೆ ಬರುತ್ತಿದ್ದ. ಬೆಳಿಗ್ಗೆ ಅವನು ಹತ್ತಕ್ಕೆ ಹೊರಟರೆ ನಾನು ಒಂದ...

ಚಾಮುಂಡಿ, ದುರ್ಗಿ, ಕಾಳಿ, ಶಂಕರಿ, ಮಾರಿ ಮೊದಲಾದ ದೇವಿಗಳಿಗೂ : ಆಂಜನೇಯ, ವಲ್ಲಭರಾಯ, ನರಸಿಂಹ ಮೊದಲಾದ ದೇವರುಗಳಿಗೂ ನಮ್ಮೂರಲ್ಲಿ ಏನೂ ಕೊರತೆಯಿಲ್ಲ. ಇಲ್ಲೊಂದು ಶಂಕರಿ ದೇವಾಲಯ ಬಹುಕಾಲದಿಂದಲೂ ಇದೆ. ಅದನ್ನು ಕಟ್ಟಿಸಿದವರು ಯಾರೆಂಬುದೇ ಗೊತ್ತಿಲ್ಲ. ಪ್ರತಿ ಶನಿವಾರ ಅಭಿಷೇಕ, ಶುಕ್ರ...

ರಾಜ ನಿಮಗೆ ಗೊತ್ತೆ? ಇಲ್ಲ? ಆತ ನನ್ನ ಸ್ನೇಹಿತ, ಆಪ್ತ ಸ್ನೇಹಿತ. ಅವನಿಗೂ ಕತೆ ಬರೆಯುವ ಹುಚ್ಚಿದೆ. ಆದರೆ ಬರೆದು ಸಂಪಾದಿಸಿ ಬದುಕುವ ಹಟವಿಲ್ಲ. ಹಾಗೆಂದೇ, ತಕ್ಕಮಟ್ಟಿಗೆ ಸಂಪಾದನೆ ಇರುವ ಬೇರೆ ಉದ್ಯೋಗದಲ್ಲಿದ್ದಾನೆ! ರಾಜ ಬರೆದಿರುವ ಒಂದು ಕಥೆ ನನ್ನಲ್ಲಿದೆ. ಓದಿ ನೋಡುತ್ತೀರಾ? ನಿಮ...

ಅಂದು ನಾನು, ನಮ್ಮ ತಾತ, ನನ್ನ ತಂಗಿ ಎಲ್ಲರೂ ಕಣದಲ್ಲಿ ಕುಳಿತುಕೊಂಡು ಹರಟೆ ಹೊಡೆಯುತ್ತಿದ್ದೆವು. ಸುಗ್ಗಿಯ ಕಾಲವಾದ್ದರಿಂದ ರೈತರು ಮತ್ತು ಆಳುಗಳು ಕಣದಲ್ಲಿ ಕೆಲಸ ಮಾಡುತ್ತಿದ್ದರು. ನಮ್ಮ ತಾತನು ಆ ಮಾತು ಈ ಮಾತು ಆಡುತ್ತಿದ್ದರೂ, ಆತನ ಒಂದು ಕಣ್ಣು ಮಾತ್ರ ಕೆಲಸಗಾರರ ಮೇಲೆಯೇ ಇರುತ್...

ರಾಜಗೃಹದ ಬಳಿಯ ಗೃಧ್ರಕೂಟ ಪರ್ವತ. ಪರಮಾತ್ಮನಾದ ಬುದ್ಧದೇವನ ಪವಿತ್ರ ಪಾದಧೂಳಿಯಿಂದ ಪುನೀತವಾದ ಗಿರಿವರದ ನೆತ್ತಿ. ನೆತ್ತಿಯ ನೆಲೆಯಲ್ಲಿ ಎರಡು ಗುಹೆಗಳು. ಅಲ್ಲಿ ಇಬ್ಬರು ಬೌದ್ಧ ಸನ್ಯಾಸಿಗಳು ಧ್ಯಾನಶೀಲಾನುಷ್ಠಾನಾದಿಗಳಿಂದ ನಿರ್‍ವಾಣವನ್ನು ಸಾಧಿಸುತ್ತಿದ್ದರು. ಇಬ್ಬರೂ ಅಕ್ಕ ಪಕ್ಕದ ...

ವ್ಹಾಲೆಂಟಾಯಿನ್ ಡಿಗ್ಬಿಯು ಭೋಜನವನ್ನು ತೀರಿಸಿಕೊಂಡು ‘ಹಾವಾನಾ ಸಿಗರ’ (ತಂಬಾಕದ ಸುರುಳೆ) ಸೇದುತ್ತೆ ತನ್ನ ಆರಾಮ ಕುರ್ಚಿಯಲ್ಲಿ ಯಥಾಸುಖವಾಗಿ ಕುಳಿತು ಏನೇನೋ ವಿಚಾರ ಮಾಡುತ್ತಿದ್ದನು. ಸುಗಂಧಿತವಾದ ಸಿಗರದ ಹೊಗೆಯು ಕಾಮಿನಿಯ ಕೇಶಕಲಾಪದಂತೆ ಸುರುಳೆ ಸುರುಳೆಯಾಗಿ ಅಂತರಿಕ್ಷದಲ್ಲಿ ಗಾಳ...