ಏ! ಬಾ, ಬಾರೆ ಗುಣವಂತಿ ॥ ಪಲ್ಲ ॥
ತಳಕಿತ್ತಿ ಓಡೆಲೆ । ತಳವೂರಿದ ಚಿಂತಿ
ನಿಲ್ಲೆಲೆ ಚಿರಶಾಂತಿ ॥ ಅ. ಪ. ॥
ತಂಬೂರಿ ತುಂಬೆಲ್ಲಾ
ಕೀಸರ ಬಾಸರ
ಬೇಸರ ಬಂದೈಽತಿ
ಆ ಸರ ಈ ಸರ
ತಲೆಗೊಂದು ತರತರ
ಬಾಯ್ ಬಿಡತಾವ ತಂಽತಿ
ಎದಿ-ಗುಡಿ ಉಡುಗಿತ್ತ
ಮನ ಮಡಿ ಮಾಡಿತ್ತ
ಕಣ್ ಕದಾ ಮುಚ್ಚೈಽತಿ
ಬಿರುಗಾಳಿ ಬೀಸಿತ್ತ
ಬಾಗಿಲ ತೆರೆದಿತ್ತ
ನೆರೆದಿತ್ತ ಹುಡಿ ಸಂಽತಿ
ಕರೆದಾರಿ ನಾಲಿಗಿ
ನಿನ್ನದೆ ಹಾಲಿಗಿ
ಬಾಯಾಸೆ ಬಿಡತೈಽತಿ
ಬಾಯಾರಿ ಕಾಯಲೊ
ಹಸಿವೇರಿ ಸಾಯಲೊ
ಹೇಳೊಮ್ಮೆ, ಏನಂಽತಿ?
ಇದ್ದದ್ದು ಬರಿ-ದಾರಿ
ಬುದ್ದೀದು ಉರಿ-ದಾರಿ
ನಿದ್ದ್ಯೊಂದು ಹರದಾಽರಿ
ದಣುವಿನ ಮ್ಯಾಲ್ದಣಿವು
ಜನುಮದ್ದು ಬಿತ್ತ್ಹೆಣವು
ಹೋದಲ್ಲೆ ನೀ ನಿಂಽತಿ
*****
