ಬಯಸಿ ಬೇಡಿದ ಹಣ್ಣು
ಬಾಯಿಯಲಿ ಬಿದ್ದಿರಲು
ನುಂಗು ನು೦ಗದನು ನೀನುಗುಳಬೇಡ
ಸಿಹಿ ಇರಲಿ ಕಹಿ ಇರಲಿ
ಹೇಗಾದರೂ ಇರಲಿ
ನುಂಗು ನುಂಗದನು ನೀ ಹೆದರಬೇಡ
ಸಿಹಿ ಅದುವೆ ರುಚಿಕರವು
ಕಹಿ ಅದುವೆ ಹಿತಕರವು
ಯಾವುದೇನಿದ್ದರೂ ಪಥ್ಯಕರವು
ನಮ್ಮ ಪಾಲಿಗೆ ಬಂದು
ದೆಲ್ಲ ಪಂಚಾಮೃತವು
ಒಲ್ಲೆ ನೆನಬೇಡ ಸ್ವೀಕರಿಸು ಹಿತವು
ಮೌನವಾಗಿರುವು ಮನವೆ
ಏನಾದರೂ ಒಳಿತು
ಹಾನಿಯೆಂಬುದು ಜಗಕೆ ಗೊತ್ತೆ ಇಲ್ಲ
ಏನಿರುವುದೆಲ್ಲವೂ
ಜೀವನದ ರಕ್ಷಣೆಗೆ
ದೀನ ರಕ್ಷಕನರಿತೆ ಹುಟ್ಟಿಸಿಹನು
ಮನವೆ, ಮಾನಸ ಸರವೆ
ಬಂದ ಬೆಂಕಿಯನೆಲ್ಲ
ನುಂಗು ನೊಂದಿಸು ಮತ್ತೆ ಕುದಿಯಬೇಡ
ಶಾಂತವಾಗಿರು ಸತತ
ಚಿ೦ತಿಸುನದೇತಕೇ
ಕಾಂತದಲಿ ನಿನ್ನ ಗುಣವನರಿತು ಸುಖಿಸು
*****
