Home / ಕವನ / ಕವಿತೆ / ವಿಹಾರಿಣಿ

ವಿಹಾರಿಣಿ

ಶೈಲಮಂದಿರದಲ್ಲಿ
ಮಂಡಿಸಿದ್ದಳು ದೇವಿ
ಮತ್ತಾವ ತೊಡಕಿಗೋ?
ಚಿ೦ತಿಸುತ ಕುಳಿತು.

ಮಂದಿರದಲೆತ್ತಲು
ಪ್ರಾಂಗಣದ ಸುತ್ತಲು
ತುಂಬಿತ್ತು ಕತ್ತಲು
ಕದ್ದು ನಡೆದು.

ಮಿನಿಗಿತು ಸೊಡರು
ಮೂರ್ತಿಮುಂದೆ
ದೇವಿಮೋಗದೊಲುಮೆ
ಚಲುವ ಹರಿಸಿ.

ಯೋಜನದ ಮುಗಿಲಿನಾ
ಚಲುವಿನಾ ತಾರೆ!
ಮಿನಿಗಿದಳು ಸ್ವರ್ಣದಲ್ಲಿ
ಪಙ್ತಿಗೂಡಿ.

ವಿಜನಾಲಯದಿ
ಮೌನನಿಧಿಗೆದುರಾಗಿ
ನಮಿಸಿದಳು ದೇವಿ
ತೇಜ ಹೊಳೆಸಿ.

ಮೀಟಿದಳು ಮಾಲಿನಿ
ಮಾಧುರ್ಯವೀಣಾ
ಶಿವಪೂಜೆಗೈವದಕೆ
ಚಿತ್ತ ಹರಿಸಿ.

ಚಿನ್ಮಯಾತ್ಮಕಮೂರ್ತಿ
ಸ್ಮರಣೆಯಲಿ ನೆನೆದು,
ಸಂತಸದ ವಾಹಿನಿಯ
ಸೆಳೆಸಿದಳು ರಾಗದಲಿ;

ಶಾಂತತೆಯ ಪಡಿನೆಳಲ
ಮಂದಿರದಿ ಸೃಷ್ಟಿಸಿ,
ನಾದಮಯ ನೋಟವನು
ದೇಗುಲದಿ ತೋರಿದಳು.

ಜಟಾಧಾರಿಣೀ-
ತೇಜೋಮಾಲಿನಿ!
ಆಲಯವಿಹಾರಿಣಿ
ಕಾಂತಿಸೃಷ್ಟಿ ಹರಿಸಿ.

ಸಲ್ಲಿಸಿದಳವಳು-
ಶೈವೋಪಾಸನೆ
ಭವ್ಯಮಂದಿರದಲ್ಲಿ
ಮೇಳ ನುಡಿಸಿ.

ಮೌನಮುದ್ರೆಯನೊತ್ತಿ
ಮಂಡಿಸಿದ ಶೈವಮೂರ್ತಿ!
ರಾಜಿಸುತ ದೇಗುಲದಿ
ಪ್ರಖ್ಯಾತಕಾಂತಿ!

ದೇವಿವದನದಲಿ
ನಲಿದಿತ್ತು ಮಂದಹಾಸ
ಶೈವಾರಾಧನೆಯ
ಪರಿತಾರ್ಥಹಾಸ.

ಜ್ಯೋತಿ ಜೋಗುಳದಲ್ಲಿ
ಮಿನಿಗಿತ್ತು ಶ್ವೇತಶಿಲೆ,
ಕಾಂತಿ ರಮಣೀಯ
ಪ್ರಾಶಸ್ತಕ್ರೀಡೆ.
ವಿಜನ ಮಂದಾರಣದಿ
ಶೈವೈಕ್ಯ ಸಾಧನದಿ,
ಹರಿದಿತ್ತು ವೃಷ್ಟಿಧಾರೆ!
ವಾಹಿನಿಯ ಸಾಂತ್ವಧಾರೆ!
*****

Tagged:

Leave a Reply

Your email address will not be published. Required fields are marked *

ರಾಜ ನಿಮಗೆ ಗೊತ್ತೆ? ಇಲ್ಲ? ಆತ ನನ್ನ ಸ್ನೇಹಿತ, ಆಪ್ತ ಸ್ನೇಹಿತ. ಅವನಿಗೂ ಕತೆ ಬರೆಯುವ ಹುಚ್ಚಿದೆ. ಆದರೆ ಬರೆದು ಸಂಪಾದಿಸಿ ಬದುಕುವ ಹಟವಿಲ್ಲ. ಹಾಗೆಂದೇ, ತಕ್ಕಮಟ್ಟಿಗೆ ಸಂಪಾದನೆ ಇರುವ ಬೇರೆ ಉದ್ಯೋಗದಲ್ಲಿದ್ದಾನೆ! ರಾಜ ಬರೆದಿರುವ ಒಂದು ಕಥೆ ನನ್ನಲ್ಲಿದೆ. ಓದಿ ನೋಡುತ್ತೀರಾ? ನಿಮ...

ಅಂದು ನಾನು, ನಮ್ಮ ತಾತ, ನನ್ನ ತಂಗಿ ಎಲ್ಲರೂ ಕಣದಲ್ಲಿ ಕುಳಿತುಕೊಂಡು ಹರಟೆ ಹೊಡೆಯುತ್ತಿದ್ದೆವು. ಸುಗ್ಗಿಯ ಕಾಲವಾದ್ದರಿಂದ ರೈತರು ಮತ್ತು ಆಳುಗಳು ಕಣದಲ್ಲಿ ಕೆಲಸ ಮಾಡುತ್ತಿದ್ದರು. ನಮ್ಮ ತಾತನು ಆ ಮಾತು ಈ ಮಾತು ಆಡುತ್ತಿದ್ದರೂ, ಆತನ ಒಂದು ಕಣ್ಣು ಮಾತ್ರ ಕೆಲಸಗಾರರ ಮೇಲೆಯೇ ಇರುತ್...

ರಾಜಗೃಹದ ಬಳಿಯ ಗೃಧ್ರಕೂಟ ಪರ್ವತ. ಪರಮಾತ್ಮನಾದ ಬುದ್ಧದೇವನ ಪವಿತ್ರ ಪಾದಧೂಳಿಯಿಂದ ಪುನೀತವಾದ ಗಿರಿವರದ ನೆತ್ತಿ. ನೆತ್ತಿಯ ನೆಲೆಯಲ್ಲಿ ಎರಡು ಗುಹೆಗಳು. ಅಲ್ಲಿ ಇಬ್ಬರು ಬೌದ್ಧ ಸನ್ಯಾಸಿಗಳು ಧ್ಯಾನಶೀಲಾನುಷ್ಠಾನಾದಿಗಳಿಂದ ನಿರ್‍ವಾಣವನ್ನು ಸಾಧಿಸುತ್ತಿದ್ದರು. ಇಬ್ಬರೂ ಅಕ್ಕ ಪಕ್ಕದ ...

ವ್ಹಾಲೆಂಟಾಯಿನ್ ಡಿಗ್ಬಿಯು ಭೋಜನವನ್ನು ತೀರಿಸಿಕೊಂಡು ‘ಹಾವಾನಾ ಸಿಗರ’ (ತಂಬಾಕದ ಸುರುಳೆ) ಸೇದುತ್ತೆ ತನ್ನ ಆರಾಮ ಕುರ್ಚಿಯಲ್ಲಿ ಯಥಾಸುಖವಾಗಿ ಕುಳಿತು ಏನೇನೋ ವಿಚಾರ ಮಾಡುತ್ತಿದ್ದನು. ಸುಗಂಧಿತವಾದ ಸಿಗರದ ಹೊಗೆಯು ಕಾಮಿನಿಯ ಕೇಶಕಲಾಪದಂತೆ ಸುರುಳೆ ಸುರುಳೆಯಾಗಿ ಅಂತರಿಕ್ಷದಲ್ಲಿ ಗಾಳ...

೨-೨-೧೯೩೦ “ಹೆಣ್ಣಿನಿಂದ ಮಾನವನಿಗೆ ಎಂದೂ ತೊಂದರೆಯು. ಅವಳು ಚೆಲುವೆಯಾದರೆ, ಅವಳನ್ನು ಪಡೆಯಬೇಕೆಂಬಾಸೆಯನ್ನು ಇತರರಲ್ಲಿ ಉಂಟು ಮಾಡುವಳು; ಅವಳ ಗಂಡನು ಪ್ರೇಮ ಸಂಶಯಕ್ಕೆ ಸಿಲುಕುತ್ತಾನೆ. ಅವಳು ಕುರೂಪಿಯಾಗುವಳೆ, ಅವಳ ಗಂಡನು ಇತರರನ್ನು ನೋಡಿ ಅಸೂಯೆ ಪಟ್ಟು, ಆ ಅಸೂಯೆಯಿಂದ ತೊಂ...

ಗಂಗಮ್ಮನು ಅವಳೊಂದು ಮುತ್ತಿನಂಥಾ ಹೆಣ್ಣು! ಅವಳ ಗೋಳು, ಸಾಯುವಾಗ ಹೊಂದಿದ ಅವಳ ಸಂಕಟದ ಪರಿ, ಎಲ್ಲಾ ನೆನಿಸಿಕೊಂಡರೆ ಆ ಚಿತ್ರವು ಕಣ್ಣೆದಿರಿಗೆ ಈಗಲೂ ಕಟ್ಟಿ ಬಿಡುವುದು. ನಾನೆಷ್ಟೋ ಸಾರೆ ಅವಳು ಇಲ್ಲದಾಗ ಸಿದ್ಧರಾಮನ ದೆಶೆಯಿಂದ ಅವರ ಮನೆಗೆ ಹೋಗುತ್ತಿದ್ದೆ. ಆಗ ನನ್ನನ್ನವಳು ಕರೆದು ಕೂ...