ಅಂದು ನೀರವರಾತ್ರಿ!
ಬೆಳೆಗಿದಳು ಚಲುಧಾತ್ರಿ!
ಸುತ್ತುಮುತ್ತಲು ಸರಿದು,
ಎತ್ತಲೆತ್ತಲು ಹರಿದು;
ಮುಸುಕಿನಲಿ ನುಸುಳಿ ಮೆರೆದು!
ಗಗನದಲಿ ಬಿಳಿಮುಗಿಲು,
ಬಿಂಬ ಬಯಲಲಿ ನಗಲು;
ನೀರವರಾತ್ರಿಯಲಿ,
ಸೊಗದ ಶಾಂತಿಯಲಿ;
ಧಾತ್ರಿ ಮೆರೆದಳು ನಸುಕಿನಲ್ಲಿ!
ತಟನಿವಟದಲಿ ನಡುವೆ,
ಬಿಂಬ ಬಯಲಲಿ ತಡುವೆ;
ನಸುಗಾಳಿ ಸುಳಿದು ಮೆರೆಯೆ,
ಪ್ರಬಲನೊಮ್ಮೆಯೆ ಮಿಳಿಯೆ;
ಮಿನಿಗಿದಳು ಮೌನದಲಿ ಕೆಳೆಯೆ!
ತಿಳಿಯ ಮುಗಿಲಲಿ ತಾರೆ!
ಸುತ್ತು ಮುತ್ತಿರೆ ಪಾರೆ!
ರಜನಿ ಮೆರೆದಳು ಅಂದು,
ಮೌನನಿಧಿಯಲಿ ಮಿಂದು;
ಮೇದಿನಿಯ ನೇಸರದಿ ಅ೦ದು!
ಅಂದು ನೀರವರಾತ್ರಿ!
ಬೆಳೆಗಿದಳು ಚಲುಧಾತ್ರಿ!
ಸುತ್ತುಮುತ್ತಲು ಸರಿದು,
ಎತ್ತಲೆತ್ತಲು ಹರಿದು;
ಮುಸುಕಿನಲಿ ನುಸುಳಿ ಮೆರೆದು!
*****
