ಗೀತಮ್ಮ

ಗೀತೆಯನು ಬರೆವಾಗ ಜನಸಿದೆಯೆ ನೀನಮ್ಮಾ |
ಗೀತೆಯೆಂಬಭಿಧಾನ ಪಡೆದೆನೀನಮ್ಮಾ ||
ಗೀತೆತಾಪ್ರಿಯಕರವು ತಾತಪರಮಾತ್ಮಂಗೇ |
ಗೀತಾಭಿಧಾನಮಂ ಸಾರ್ಥಕ್ಯಗೊಳಿಸಮ್ಮಾ || ೧ ||

ಗೀತಮ್ಮ ಕೇಳೀಗ ಕೂಸುನಿನಾಗಿಹೆಯೆಂದೂ |
ಓತು ನಿನಗಾಗಿ ತಂದಿಹನು ನಿಮ್ಮಣ್ಣಾ ||
ಗೀತೆತಿನ್ನಲಿಯೆಂದು ಸವಿಯಾದ ಹಣ್ಣುಗಳಾ ||
ಕೂತು ತಿನ್ನಮ್ಮ ನೀ ಪಕ್ವ ಹಣ್ಣಾ || ೨ ||

ಕೂತು ಕೇಳ್ಪೇಳುವೆನು ಫಲಗಳ ಮಹಿಮೆಯನೂ |
ಗೀತೆತಿನ್ನಲು ಅವಳ ರೋದನವುಯೆಲ್ಲಾ |||
ಸೋತುಕಾಲ್ತೆಗೆಯುವದು ನಗೆ ನಿನ್ನ ಮೊಗದಲ್ಲಿ |
ಓತು ಹೊರಹೊಮ್ಮುವುದು ಕೇಳು ಗೀತಮ್ಮಾ || ೩ ||

ಗೀತಮ್ಮ ವೇಳೆರಡು ವರುಷಗತಿಸಲು ನೀನು |
ಕೋತುಳ್ಳ ಕುಡುವೆಣ್ಣು ನೀನಾಗುವೀ ||
ನೀತಿವಂತನ ನಾನು ತರುವೆ ವರನಿನಗಾಗಿ |
ಪ್ರೀತಿಯಿಂದಲಿ ಧಾರೆಯೇರೆವೆನಮ್ಮಾ || ೪ ||

ನೀತಿವಂತನ ಪತಿಯ ದೇವನನು ಭಾವಿಸುತೆ |
ಪ್ರೀತಿಯಿ೦ದಲಿ ಯವನ ಸೇವೆಮಾಡಮ್ಮಾ ||
ನೀತಿವಂತರ ಮಗಳು ನೀನೆಂದು ಮರೆಯದಿರು |
ಕೀರ್ತಿಯನು ತಾರಮ್ಮ ನೀನೆನ್ನ ಕುಲಕೇ || ೫ ||

ಗೀತೆಕೇಳತ್ತೆ ಮೂವರನೀನು ಸಂತತದಿ |
ಪ್ರೀತಿಯಿಂದಲಿಯವರ ಶಿಶ್ರೂಷೆಮಾಡಮ್ಮಾ ||
ಕೋತಿಯೆಂದದಿ ನಡೆಯೆ ಘಾತಗೊಳುವುದುನಿನ್ಸ
ಪ್ರೀತಿಯ ಸಂಸಾರವೀ ಜಗದೊಳೂ || ೬ ||

ನೀತಿಬಿಡುತಲಿ ಗಂಡ ಕೋತಿಯಂದದಿ ನಡೆಯೆ |
ಮಾತುಬೆಳೆಸದೆ ನೀನು ನೀತಿ ತೋರಮ್ಮಾ |
ಆತನ ತಂಗಿಯರ ತಮ್ಮಗಳ ಜೋತೆನೀನು |
ಪ್ರೀತಿಯ ಕೆಳತನದಿ ಕಾಣಮ್ಮಾ ನೀನು || ೭ ||

ದಾಸದಾಸಿಯರನ್ನು ಓತುಪಡೆದಿಹ ಸುತರ |
ನಾತೆಯಿಂದಲಿ ದಯವ ನೀತೋರಿಸಮ್ಮಾ ||
ಮಾತನನ್ನಿವುಗಳನು ನಡಿಸೆ ನೀ ಪಡೆದಪೆಯೆ |
ಖ್ಯಾತಿಯನು ಜಗದೊಳಗೆ ಶ್ರೇಷ್ಠಸತಿಯೆಂದೂ || ೮ ||
*****