ಕನ್ನಡ ನಲ್ಬರಹ ತಾಣ
ಬಹಳ ಕೆಟ್ಟ ಹುಡುಗ-ನೋಡಿ
ನಮ್ಮ ಪುಟ್ಟ ಮಲ್ಲನು
ಓದು ಓದು ಅಂದರೆ
ಕಣ್ಣು ತೆರೆಯಲೊಲ್ಲನು,
“ಬೇಗ ಉಣ್ಣು ಮಲ್ಲ” ಅಂದೆ
ಊಟಬಿಟ್ಟು ಓಡಿದ
“ಕೂತುಕೊಳ್ಳೊ ಸುಮ್ಮನೇ”
ಎನಲು ರಾಗಮಾಡಿದ!
ಬಹಳ ಕೆಟ್ಟ ಹುಡುಗ-ನೋಡಿ.
ನಮ್ಮ ಪುಟ್ಟ ಮಲ್ಲನು
ಮಾಡು ಎಂದ ಕೆಲಸವನ್ನು
ಅವನು ಮಾಡಲೊಲ್ಲನು.
ಒಮ್ಮೆ “ಉಣ್ಣಬೇಡ” ಅಂದೆ
ಬಹಳ ಊಟಮಾಡಿದ
“ಓದಬೇಡ” ಎನಲು ಪಾಠ
ಓದಿ, ಪದವ ಹಾಡಿದ!
ಬಹಳ ಕೆಟ್ಟ ಹುಡುಗ-ನೋಡಿ
ನಮ್ಮ ಪುಟ್ಟ ಮಲ್ಲನು
ಮಾಡಬೇಡ ಎಂದ ಕೆಲಸ
ಮಾಡಿಬಿಡುವ ಮಳ್ಳನು!
*****
ಶಠಗೋಪ ಹದಿನಾರಾಣೆ ಶ್ರೀವೈಷ್ಣವ. ಒಂದುದಿನ ಅವನ ಅತ್ತಿಗೆ ಅಡುಗೆಯ ಕೆಲಸದಲ್ಲಿದ್ದು ವೀಳೆಯದೆಲೆಯ ವರ್ತನೆಯವಳು ಬಂದಾಗ ಎಲೆ ತೆಗೆಯಲು ಶಠಗೋಪನಿಗೆ ಹೇಳಿದಳು. ಶಠಗೋಪನು ಹೊರಗೆ ಬಂದು, ಎದುರಿಗಿದ್ದ ವೀಳೆದೆಲೆಯವಳನ್ನು ನೋಡಿದ. ಅವಳು ಸಾಧಾರಣದ ಹೆಣ್ಣು. ರತಿಯಲ್ಲ, ಚಪ್ಪನ್ನಾರು ದೇಶದಲ್ಲ...
ಕೋರ್‍ಟಿನಿಂದ ಬಂದ ಮೀರಾ ಬಳಲಿದವಳಂತೆ ಕುಸಿದು ಕುಳಿತಳು. ದೇಹ ಬಳಲಿದ್ದರೂ ಸಂತಾಪದಿಂದ ಎದೆ ಕುದಿಯುತ್ತಿತ್ತು. ಎದೆಯಲ್ಲಿ ಕುದಿತ, ಮುಖ ಕಣ್ಣುಗಳನ್ನು ಕೆಂಪು ಮಾಡಿ, ಇಡೀ ದೇಹ ಕೋಪದಿಂದ ಕಂಪಿಸುವಂತೆ ಮಾಡಿತ್ತು. ಕಾಲಲ್ಲಿದ್ದ ಚಪ್ಪಲಿಗಳನ್ನು ಕೂಡಾ ಕಳಚದೇ, ಕೈಯಲ್ಲಿದ್ದ ಪರ್ಸ್, ಪುಸ...
ಮಳೆ ಎಂದರೆ ಅಂತಹ ಇಂತಹ ಮಳೆಯಲ್ಲ. ಕೈ ಹೊರುವುದನ್ನು ಮೈ ಹೊರಲಿ ಎಂದು ಎಲ್ಲಾ ಬಟ್ಟೆ ಬರೆಗಳನ್ನೂ ಮೈಯ ಮೇಲೆಯೇ ಹಾಕಿಕೊಂಡಿದ್ದೆ. ಹಿಡಿದುಕೊಂಡಿದ್ದ ಛತ್ರಿ, ಹೊದ್ದಿದ್ದ ಜಮಖಾನೆ, ಉಟ್ಟಿದ್ದ ಎರಡು ಗಾಂಧಿಪಂಚೆ, ತೊಟ್ಟಿದ್ದ ಕಾಕಿಚೆಡ್ಡಿ, ಇಷ್ಟೆಲ್ಲಾ ನೆನೆದುದಲ್ಲದೆ, ಕಟ್ಟಿದ್ದ ಕಾಚ ...
