ಅರಿಯಲಿ ಸತ್ಯ

ಭವದ ಭೂಮಿಯಲಿ ಆಚಾರ ವಿಚಾರ
ಧರ್‍ಮದ ನಾಮದಿ ನಿಷ್ಠಾಚಾರ
ಭೌತಿಕ ತೋರ್‍ಪಗಡಿಕೆಗೆ ಅಂತರದಲಿ
ಬರಿ ಖಾಲಿ ಅಲ್ಲಿಲ್ಲ ಸುವಿಚಾರ

ಆಯುಷ್ಯದ ಕೊನೆಗಳಿಗೆಗೂ ಚಿಂತೆ
ಭವದ ಮತ್ತೆ ಸುಖದ ಕಂತೆ
ಯಾರಿಗಾಗ್ಯೂ ಸುರಿಸುವರು ಕಣ್ಣೀರು
ಯಾರಿಗಾಗೂ ವಿತರಿಸುವರು ಪನ್ನಿರು

ಲೋಕಗಳಾಚೆ ಲೋಕಗಳಿವೆಯೆಂದು
ಭ್ರಮೆ ಹೊತ್ತು ಸುತ್ತಿಹರು
ಲೋಕದ ಜನರಿಗೆ ನಿತ್ಯ ಕಾಡಿಸುತ್ತ
ದೊರೆಯದ ಸೌಖ್ಯಕ್ಕೆ ಬಾಯಾರಿವರು

ಶರೀರ ಹಣ್ಣಾದರೂ ಬಯಕೆ ತೀರಿತೆ!
ಮನಸ್ಸು ಪಕ್ವವಾದರೂ ಹಸಿ ನೋವೆ!!
ಹರಿಬೇಕು ಚಿತ್ತ ದೇವನಲ್ಲಿ ನಿತ್ಯ
ಮಾಣಿಕ್ಯ ವಿಠಲನೇ ಸತ್ಯ
*****