ಪ್ರೀತಿ ದ್ವೇಷದ ರಹಸ್ಯಗಳು
ಆತ್ಮವನ್ನು ಕುಟುಕಿದ ನಿಗೂಢಗಳು
ಪಾತಾಳಕ್ಕೆ ಕುಸಿಯುವ ಕನಸುಗಳು
ಕ್ಷಣ ಕ್ಷಣಕ್ಕೂ ಬೆತ್ತಲಾಗುತ್ತಿರುವ
ಪಾಪ ತುಂಬಿದ ಆತ್ಮಗಳು
ಅಲೆಮಾರಿ ಮೋಡಗಳು
ಪಾಪಾತ್ಮಗಳನ್ನು ತೊಳೆಯಲು
ಮಳೆಯನ್ನು ತರಲಿಲ್ಲ
ಕಲಬೆರಿಕೆ ಕನಸುಗಳು
ಭೂಮಿ ಸೂರ್ಯರು ಸಂಧಿಸುವ
ಸುಂದರ ಸಂಜೆಯಲಿ
ಮಲೀನವಾದ ಹೃದಯಗಳ
ಮುಸುಕನ್ನು ಸರಿಸದೇ ಹೋದವು.
ಮುಸುಕು ಸರಿಸಿ ಇಣುಕಿದರೆ
ಮುಳುಗುತ್ತಿರುವ ಸೂರ್ಯ.
ಕೆಂಪು ರಕ್ತದ ಮಡುವಿನಲಿ
ಕೊಲೆಯಾಗಿ ಬಿದ್ದಿದ್ದನು,
ಎಂತಹ ಸಾವು ಸೂರ್ಯನದು,
ಸಾಕ್ಷಿಗಳಿಲ್ಲ, ಸತ್ತ ಶವಕ್ಕೆ
ಅಳುವ ವಾರಸುದಾರರಿಲ್ಲ.
*****
