ಬೆಳ್ಳಿ ಗಡ್ಡದ ಸಾಮಿ

ಬೆಳ್ಳಿ ಗಡ್ಡದ ಸಾಮಿ ಬಸವ ಬೆಳಗಿನ ಯೋಗಿ
ವಿಜಯ ಮಾಂತನೆ ಬಾರ ಹೂವ ತೂರ
ತೆಂಗು ಬಾಳಿಯ ಶರಣಾ ಬಿಳಿಯ ಜೋಳದ ಕರುಣಾ
ವಿಜಯ ಮಾಂತನೆ ಬಾರ ಲಿಂಗ ತೋರ

ಬಸವ ವಚನದ ಗಂಟು ಚೆನ್ನಾಗ ಕಟಗೊಂಡು
ಮಾಂತಮ್ಮ ಜತಿಗೂಡಿ ಬಂದ ಸಾಮಿ
ಶಿವಯೋಗ ಮಂದಿರದ ಠಾವು ತೋರಿದ ತ್ಯಾಗಿ
ಆರು ಚಕ್ರದ ದಾರಿ ಬಲ್ಲ ಯೋಗಿ

ದುಡ್ಡು ದಮ್ಮಡಿ ಚಿನ್ನ ಹಂಚಿ ಬಿಲ್ಲಿಯ ಗೈದಿ
ಶರಣಽರ ಸೂಳ್ನೂಡಿ ಕೋಟಿ ಅಂದಿ
ಕೂಡಽಲ ಸಂಗಮದ ಬೆಳುವ ಭೂಮಿಯ ತುಂಬ
ಚಿತ್ತರಗಿ ಚಿಜ್ಯೋತಿ ಬೆಳಕು ತಂದಿ

ಇಳಕಲ್ಲು ಕಡಕಲ್ಲು ಹುನಗುಂದ ಲಿಂಗ್ಸೂರು
ಸರುವಕ್ಕ ಶಿವಲಿಂಗ ತುಂಬಿ ಬಂದಿ
ಭುವನಕ್ಕ ಬೆಳಕಾದಿ ಮನುಕುಲಕ ಹೂವಾದಿ
ಬಸವ ಧರ್ಮದ ಯುಗದ ಜ್ಯೋತಿಯಾದಿ
*****