ಬದುಕು ಇದು ನಿನ್ನದಲ್ಲ

ಈ ಬದುಕಿಗೆ ನೀನೆಷ್ಟು ಪ್ರೀತಿಸುವಿಯಲ್ಲ
ಆದರೆ ಮರುಳೆ ಬದುಕು ಇದು ನಿನ್ನದಲ್ಲ
ಆತ್ಮ ಸಾಕ್ಷಾತ್ಕಾರಕ್ಕೆ ಇದೊಂದು ಸದಾವಕಾಶ
ಇದು ವ್ಯರ್ಥ ಮಾಡಿದರೆ ಏನೂ ಅರ್ಥವಿಲ್ಲ

ತುತ್ತು ಅನ್ನಕ್ಕೆ ನಿತ್ಯ ಕಾದಾಡುವೆ
ನಿನ್ನ ನಿಜ ರೂಪ ನೀನು ಮರೆತೆ
ಬಿದ್ದು ಹೋಗುವ ತನುವಿಗೆ ಮೆಚ್ಚಿ
ಕಾಮ ಕ್ರೋಧಗಳಲಿ ನೀನು ಬೆರತೆ

ವಾಮ ಮಾರ್ಗದಿ ಗಳಿಕೆ ಗಳಿಸಿ
ಹೊನ್ನು ಕಾಂಚನ ಕೂಡಿ ಹಾಕುವೆ
ಸತಿ ಸುತರ ಸಂತೈಸುವ ದಾರಿಯಲಿ
ನಿಜ ಸುಖವ ಮರೆತು ಅವರ ಸಾಕಿದೆ

ಕಾಲದ ಅರ್ಭಟದಲಿ ನೀನು ನಿಲ್ಲಲಾರೆ
ಕೊಚ್ಚಿ ಹೋಗುವ ನೀನು ಕಾಣದ ಹಾಗೆ
ಅಂತಲೇ ಬದುಕು ಸಾರ್ಥಕ ಗೊಳಿಸು
ಮಾಣಿಕ್ಯ ವಿಠಲನಾಗಿ ಭಜಿಸು ಹೀಗೆ
*****