ರವಿ

ಕವಿದ ಕತ್ತಲೆ ವಿಶ್ವ ಕಂಡುಽ
ರವಿಯು ಮೂಡಲಿ ಎಂದು ಮನವೋ
ತಿವಿದು ಅಳುತಿದೆ ಮತ್ತೆ ಅಳುತಿದೆ ಬಲಾ ಕಣ್ಣೀರೇನೋ ||೧||

ಓ ರವಿ ಬೆಳಗುವೆ ಎಂದು ಅಂದದಿ
ನರರು ನೋಯುತ ನಿನ್ನ ಜಪಿಸುತ
ವೀರ ದಿನಕರ ಮರೆತ ಎನ್ನುತ ಮತ್ತೆ
ಬರುವರು ಜನ ||೨||

ಇಪರಿ ದುಃಖವ ನೋಡಿ ದಿನಕರ
ತಪ್ಪು ಹೊರದಲೆ ಮತ್ತೆ ಮೂಡಿದ
ಕಪ್ಪು ಮೋಡದ ತಿಳಿಯ ಬಾನಲಿ ಸುತ್ತು ಬೆಳಗಿದನೋ ||೩||

ರವಿಯ ಬೆಳಕಿದು ದಿನದ ಆರುತಿ
ಕವಿದ ಕತ್ತಲೆ ತಿಳಿಯ ಮಾಡುವ
ವಿಧಿಯ ಮೂರುತಿ ಇವನು ಬಾನ್ ಮರುತಿ
ತಿಳಿಯದೇನು ||೪||

ವಿಶ್ವ ತಂದೆಯ ಮಗನು ಇವನೋ
ವಿಶ್ವ ಮಲಗಿಸಿ ತೆರೆವನವನೋ
ಅಶ್ವ ಹೊತ್ತವ ರವಿಯು ಇವನೋ ಮೂಜಗ ಒಡೆಯನಿವ ||೫||

ರವಿಯು ಬೆಳಗಿದ ಬೆಳಕೆ ಬೆಳಕೋ
ಅವನ ಛಾಯೆಯು ಮುಳುಗಿ ತೇಲಿತು
ಕಾವ ಹುಟ್ಟಿದ ನೆಲದಿ ಹಾ ಹಾ ಏನಿದು
ವಿಚಿತ್ರವೋ ||೬||

ಅಂತೆ ದೆವನ ಸೃಷ್ಟಿ ರಮ್ಯವು
ಇಂತ ಸೃಷ್ಟಿಗೆ ಹುಚ್ಚು ಮಾನವ
ಸಂತೆ ಎಬ್ಬಿಸಿ ತನ್ನ ಹೆಮ್ಮೆಗೇ ಮಾಡಿ ಕೆಡವಽನೋ ||೭||

ಮನುಜ ಪ್ರಯತ್ನ ಎಷ್ಟು ದಿನವೋ
ಮಿನುಗು ಹೊಳೆವಾ ತಾರೆಗಳಂತೆ
ಮನಸು ಹುಮ್ಮಸ ಇರುವ ತನಕವೇ ಆಟ
ನಂತರ ಏನು ||೮||

ರವಿಯ ತೇಜವ ಮುಚ್ಚು ನೋಡುವ
ಕಾವ ವಿಜ್ಞಾನಿ ಬರುವ ನೋಡುವ
ದೇವ ಕಳುಹಿದ ರವಿ ಬೆಳಗುವ ವಿಶ್ವ ವಿಜ್ಞಾನಿ ಅಲ್ಲ ||೯||
*****