ಇತ್ತಂಡವರು:- ಗುಜಗುಜ ಮಾಪುರಿ ಆಡೋಣ
ಗುಜೇರ ಮಾಪುರಿ ಆಡೋಣ
ಸಾಮದಂಡಿ ಆಡೋಣ
ಸರಲೋಕಕ್ಕೆಲ್ಲ ತಿಳಿಸೋಣ ||ಪ||
ಇತ್ತಂಡದವರು:- ಗುಜಗುಜ ಮಾಪುರಿ ಗಂಡವರು
ಗುಜೇರ ಮಾಪುರಿ ಹೆಣ್ಣವರು
ಸಾಮದಂಡಿ ಹೆಣೆಯವರು
ಸರಲೋಕಕ್ಕೆಲ್ಲ ಸಭೆಯವರು ೧
ಇತ್ತಂಡದವರು:- ಗುಜಗುಜ ಮಾಪುರಿಗೇನೈತೆ
ಗುಜೇರ ಮಾವುರಿಗೇನೈತೆ
ಸಾಮದಂಡಿಗೇನೈತೆ
ಸರಲೋಕಕ್ಕೆಲ್ಲ ಏನೈತೆ ೨
ಗಂಡು:- ಗುಜಗುಜ ಮಾಪುರಿ ಗಂಡೈತಿ
ಗುಣೀರ ಮಾವುರಿ ಹೆಣ್ಣವರ
ಸಾಮದಂಡಿಗೆ ಗಂಡೈತಿ
ಸರಲೋಕಕ್ಕೆಲ್ಲ ಗಂಡೈತಿ ೩
ಹೆಣ್ಣು :- ಗುಜಗುಜ ಮಾಪುರಿ ಗಂಡವರ
ಗುಜೇರ ಮಾಪುರಿ ಹೆಣ್ಣೈತಿ
ಸಾಮದಂಡಿಗೆ ಹೆಣ್ಣೈತಿ
ಸರಲೋಕಕ್ಕೆಲ್ಲ ಹೆಣ್ಣೈತಿ ೪
ಗಂಡು:- ಗುಜಗುಜ ಮಾಪುರಿಗೇನೇನ
ಗುಜೇರ ಮಾಪುರಿಗೇನೇನ
ಸಾಮದಂಡಿಗೇನೇನ
ಸರಲೋಕಕ್ಕೆಲ್ಲ ಏನೇನ ೫
ಚೌಕು ೧-
ಗಂಡು:- ಒಂದು ರೂಪಾಯಿ ಕೊಡತಿವಿ
ಹೆಣ್ಣ ಕೋಡತಿಗೆ ಹೆಣ್ಣ ಕೊಡತಿಗೆ ||
ಹೆಣ್ಣು :- ಒಂದು ರೂಪಾಯಿಯೆಂಬುದು
ಹಾಸೂದು ಹಾಸುಣಕಿ
ಬೀಸೂದು ಬೀಸುಣಕಿ
ಗಂಡನ ಮನಿ ದುಡಕಿ
ನಿನ್ನಂಥ ಬಿಡಕಿಗೆ
ಹೆಣ್ಣಿಲ್ಲತಿಗೆ ಹೆಣ್ಣಿಲ್ಲತಿಗೆ
****
ಗಂಡು:-ಗುಜಗುಜ ಮಾಪುರಿಗೇನ್ವಸ್ತ
ಗುಜೇರ ಮಾಪುರಿಗೇನ್ವಸ್ತ
ಸಾಮದಂಡಿಗೇನ್ವಸ್ತ
ಸರಲೋಕಕ್ಕೆಲ್ಲ ಏನ್ವಸ್ತ ೬
ಚೌಕು ೨ :-
ಗಂಡು:- ವಂಕಿ ಸರಗೀಯ ಇಡತಿವಿ
ಹೆಣ್ಣ ಕೋಡತಿಗೆ ಹೆಣ್ಣ ಕೋಡತಿಗೆ ||
ಹೆಣ್ಣು:- ವಂಕಿ ಸರಗೀಯ ಭಂಗಾರ
ಮಯ್ಯೊಳು ಒಣ ಭಾರ
ಮಗಳಿಗೆ ದುಡಕಿಯ
ಕಟಕಿಟಿ ಬಲು ಜೋರ
ನಿನ್ನಂಥ ಬಿಡಕಿಗೆ
ಹೆಣ್ಣಿಲ್ಲತಿಗೆ ಹೆಣ್ಣಿಲ್ಲತಿಗೆ ||
ಗಂಡು:-ಗುಜಗುಜ ಮಾಪುರಿ ಮದವೀಗೆ
ಗುಜೇರ ಮಾವುರಿ ಮದುವೀಗೆ
ಸಾಮದಂಡಿ ತಂದೀವಿ
ಸರಲೋಕಕ್ಕೆಲ್ಲ ಕರೆದೀವಿ
****
ಚೌಕು ೩:-
ಗಂಡು:- ಬೇಡಿದ್ದ ಕೊಡತಿವಿ ಬೇಡಿದ್ದ ಇಡತಿವಿ
ಹೆಣ್ಣ ಕೋಡತಿಗೆ ಹೆಣ್ಣ ಕೋಡತಿಗೆ ||
ಹೆಣ್ಣು:- ಕುಲಸುದ್ದ ಮನಿಯಾಗ
ವರಸುದ್ದ ಇರಬೇಕ
ತಾಳ್ಯೊಂದು ಮೂಗುತಿ
ಮಂದ್ಯಾಗ ಮನಿಮುಂದ
ಮದುವೆಯ ಮಾಡಿದರ
ಹೆಣ್ಣೈತತಿಗೆ ಹೆಣ್ಣೈತತಿಗೆ ||
ಇತ್ತಂಡದವರು:- ಗುಜಗುಜ ಮಾವುರಿ ಅನ್ನೀರೆ
ಗುಜೇರ ಮಾಪುರಿ ಆಡೀರೆ
ಸಾಮದಂಡಿ ಹಣೆಯೀರೆ
ಸರಲೋಕಕ್ಕೆಲ್ಲ ಹಾಡೀರೆ
*****
ಈ ಹಾಡಿನ ಬೇರೆ ಬೇರೆ ರೂಪಾಂತರಗಳು ಸಿಗುತ್ತವೆ. ಅವುಗಳಲ್ಲಿ ಅರ್ಥ ಭಾವೋದ್ದೇಶವುಳ್ಳದ್ದನ್ನು ಇಲ್ಲಿ ಎತ್ತಿಕೊಳ್ಳಲಾಗಿದೆ.
