ಆತ್ಮ ದೇವಾಲಯ

ದೇಹವೆಂಬುದು ಆತ್ಮ ದೇವಾಲಯ
ದೇವಾಲಯದಲ್ಲಿ ಸದಾ ಭಕ್ತಿ ಇರಲಿ
ಸತ್ಯವೆಂಬ ರಂಗವಲಿ ಬರೆಯಬೇಕು
ನಾಮ ಸ್ಮರಣೆಯ ಗಂಟೆ ಬಾರಿಸಲಿ

ವಿಶ್ವಾಸವೆಂಬ ಪೂಜೆ ಇರಲಿ
ಧ್ಯಾನವೆಂಬ ಮಂತ್ರ ಪಠಿಸಲಿ
ಸತ್ಕರ್ಮವೆಂಬ ಗಂಧವ ಹರಡಲಿ
ಯೋಗವೆಂಬ ದೀಪವಲ್ಲಿ ಬೆಳಗಲಿ

ನಿರಾಡಂಬರದ ಅಂಬರವ ತೊಡಿಸಲಿ
ನುಡಿದಂತೆ ನಡೆಯುವ ಚಂದನ ಅರ್‍ಪಿಸಲಿ
ಸಮತ್ವ ಗುಣವೆಂಬ ಹೂ ಅಲಂಕರಿಸಲಿ
ಪಾರದರ್ಶಕ ಮನವೆಂಬುದು ಬಣ್ಣಿಸಲಿ

ಮುಕ್ತಿಯೆಂಬ ಆರತಿ ಬೆಳಗಲಿ
ಕಾಮಕಾಂಚನಗಳ ಧೂಪವೆಲ್ಲ ಜಲಿಸಲಿ
ನಿಷ್ಕಾಮವೆಂಬ ಲಾಲಿ ಹಾಡಲಿ
ಮಾಣಿಕ್ಯ ವಿಠಲ ನೋಡಯವಂತಾಗಲಿ
*****