ಮುಖವ ಕನ್ನಡಿಯಲ್ಲಿ ನೋಡುವಿರಿ
ನೋಡಿ ಬಗೆಬಗೆಯಲ್ಲಿ ತೀಡುವಿರಿ
ಮನವ ಯಾವುದರಲ್ಲಿ ನೋಡುವಿರಿ
ಮನದ ಡೊಂಕನು ಎಂತು ತಿದ್ದುವಿರಿ
ಅಂತರಾತ್ಮದ ಬೆಳಕಿಲ್ಲದೆ
ನದಿಯಲಿಳಿದು ಮೈಯ ತೊಳೆಯುವಿರಿ
ಕೆಸರು ಕೊಳೆಯನ್ನು ಅಲ್ಲಿ ಕಳೆಯುವಿರಿ
ಮನವ ಯಾವುದರಲ್ಲಿ ತೊಳೆಯುವಿರಿ
ಮನದ ಕೊಳೆಯನು ಎಂತು ಬಿಡುವಿರಿ
ಅಂತರಂಗದ ಗಂಗೆಯಿಲ್ಲದೆ
ಅವರ ಮಾತಿಗೆ ಅಲ್ಲಿ ಮರುಗುವಿರಿ
ಇವರ ಮಾತಿಗೆ ಇಲ್ಲಿ ಕೊರಗುವಿರಿ
ಮನದ ಮಾತಿಗೆ ಎಲ್ಲಿ ಮರುಗುವಿರಿ
ಮನದ ಮಾತಿಗೆ ಹೇಗೆ ಕರಗುವಿರಿ
ಅಂತಃಸಾಕ್ಷಿಯಿಲ್ಲದೆ
*****
