ಏನು ಕಾಲ!

ಹರಿಯೆ ನಿನ್ನ ನೆನಪು ಬಾರದೆ
ಕಳೆದವೂ ಏಸು ಕಾಲ
ಜನುಮ ಜನುಮವು ಹೀಗೆ ನಾ
ಮಾಡಿದೆ ಕರ್ಮಗಳ ಸಾಲ

ಆಸೆಗಳ ಹಿಂದೆ ಓಡೋಡಿ ನಾನು
ನನ್ನ ಸಾರ್ಥಕತೆ ನಾಮರೆತೆ
ಬಾಳೆಲ್ಲವೂ ಹೀಗೆ ಯಾರಿಗೊ ಸೋರಿ
ಮಾಯಾ ಮೋಹದಲಿನಾ ಬೆರೆತೆ

ಸುಖದ ಪರಿಛಾಯೆ ಇಲ್ಲದ ಸುಖವೆ
ಸುಖದ ಲಾಲಸೆಗೆ ಏಸೊಂದು ಕುಯುಕ್ತಿ
ನಾನು ನನ್ನದೆಂಬ ಭ್ರಾಂತಿಯಲಿ ಕರಗಿ
ನಿತ್ಯ ಹೋರಾಟದಲಿ ಮರೆತೆ ಭಕ್ತಿ

ಈಗೊಂದು ಚಣವು ಜಾರದಿರಲಿ
ಅದು ನಿನಗಾಗಿ ಮೀಸಲಾಗಿರಲಿ
ಭಾವಗಳ ತುಂಬ ತುಂಬಲಿ ನಿನ್ನ ಧ್ಯಾನ
ಮಾಣಿಕ್ಯವಿಠಲನಿಗೆ ನೀ ಕೈಲಾಸವಾಗಿರಲಿ
*****