ಪ್ರೀತಿಯ ಕಿಟಿ,
ಒಳ್ಳೆಯ ಸುದ್ದಿ- ನಮ್ಮೊಂದಿಗೆ ಇನ್ನೊಬ್ಬ ಎಂಟನೆಯ ವ್ಯಕ್ತಿಯನ್ನು ಇಲ್ಲಿ ಸೇರಿಸಿಕೊಳ್ಳುತ್ತಿದ್ದೇವೆ. ಹೌದು. ನಿಜಕ್ಕೂ. ನಮ್ಮಲ್ಲಿ ಇನ್ನೊಬ್ಬನಿಗೆ ಸಾಕಾಗುವಷ್ಟು ಊಟ ಮತ್ತು ವಸತಿಯ ಲಭ್ಯತೆ ಇದೆ ಎಂಬುದು ನಮ್ಮೆಲ್ಲರ ಅನಿಸಿಕೆ. ಆದರೆ ನಮ್ಮ ಹಿಂಜರಿಕೆ ಎಂದರೆ ನಾವು ಕೂಫಸ್ ಮತ್ತು ಕ್ರೇಲರ್ ಇವರಿಗೆ ಹೆಚ್ಚು ಕಷ್ಟ ಕೊಡುತ್ತಿದ್ದೇವೇನೋ? ಎಂಬುದು. ಆದರೆ ಈಗೀಗ ಯಹೂದಿಗಳ ಬಗ್ಗೆ ನಾವು ಕೇಳುತ್ತಿರುವ ದಿಗಿಲು ಹುಟ್ಟಿಸುವ ಕಥೆಗಳೆಲ್ಲಾ ಇನ್ನೂ ಹೆಚ್ಚು ಹೆಚ್ಚು ಭಯ ಹುಟ್ಟಿಸುವಂತಿವೆ. ಡ್ಯಾಡಿ ಇಬ್ಬರು ವ್ಯಕ್ತಿಗಳನ್ನು ಗುರುತಿಸಿದ್ದರು. ಅವರಿಬ್ಬರಲ್ಲಿ ಒಬ್ಬರನ್ನು ನಿರ್ಧರಿಸಬೇಕಾಗಿತ್ತು. ಅದು ಅತ್ಯುತ್ತಮ ವಿಚಾರವೆಂದು ಅವರಿಗೆ ಅನ್ನಿಸಿತ್ತು. ಇದು ಏಳು ಜನರಿಗೆ ಎಷ್ಟು ಕಷ್ಟಕರವೋ ಅಷ್ಟೇ ಎಂಟನೆಯನವನಿಗೂ ಅವರೆಂದರು. ಅದು ಸ್ವಲ್ಪ ಮಟ್ಟಿಗೆ ಸತ್ಯವೂ ಆಗಿತ್ತು. ಇದೆಲ್ಲ ಸರಿಯಾಗಿ ನಿರ್ಣಯವಾಗುತ್ತಿದ್ದಂತೆ ನಮ್ಮ ಕುಟುಂಬದೊಡನೆ ನಮ್ಮೊಂದಿಗಿರಲು ಯಾರು ಯೋಗ್ಯರು ಎಂಬುದನ್ನು ಚಿಂತಿಸುತ್ತಾ ನಾವೆಲ್ಲ ನಮ್ಮ ಸ್ನೇಹಿತರಲ್ಲಿಗೆ ಓಡಿದೆವು, ಒಬ್ಬನನ್ನು ಆರಿಸುವುದು ಅಂತಹ ಕಷ್ಟದ ಕೆಲಸವೇನೂ ಆಗಿರಲಿಲ್ಲ. ವ್ಯಾನ್ಡ್ಯಾನ್ ಕುಟುಂಬದ ಯಾರನ್ನು ಕೂಡಾ ಸೇರಿಸಿಕೊಳ್ಳಲು ಡ್ಯಾಡಿ ಬೇಡವೆಂದ ಮೇಲೆ, ಆಲ್ಬರ್ಟ ಡಸೆಲ್ ಎಂಬ ಡೆಂಟಿಸ್ಟನನ್ನು ನಾವು ಆರಿಸಿದೆವು. ಅವರ ಪತ್ನಿ ಯುದ್ಧ ಪ್ರಾರಂಭವಾಗುವ ಮೊದಲೇ ದೇಶದಿಂದ ಹೊರಗಿದ್ದುದು ಅವಳ ಅದೃಷ್ಟ. ಡಸೆಲ್ ಬಹಳ ಶಾಂತ ಸ್ವಭಾವದವರಾಗಿದ್ದರು. ನಾವಾಗಲೀ ಇಲ್ಲವೇ ವ್ಯಾನ್ಡ್ಯಾನ್‌ರಾಗಲೀ ಅವರ ಹೊರ ತೋರಿಕೆಯಿಂದ ಅವರನ್ನು ಹೀಗೆ ಎಂದು ಗುರುತಿಸಬಹುದಾಗಿತ್ತು. ಎರಡೂ ಕುಟುಂಬಗಳಿಗೂ ಅವರು ನಮಗೆ ಒಗ್ಗುವ ಗುಣದವರೆಂದು ಅನ್ನಿಸಿತ್ತು. ಮೇಪ್‌ಗೆ ಅವರು ಬಹಳ ಪರಿಚಯವಿದ್ದರು. ಹಾಗಾಗಿ ಆಕೆ ಡಸೆಲ್ ನಮ್ಮೊಂದಿಗೆ ಬಂದು ಉಳಿಯುವ ಕುರಿತಾಗಿ ಎಲ್ಲ ಸಿದ್ಧತೆಗಳನ್ನು ಮಾಡುವಳು. ಒಂದೊಮ್ಮೆ ಅವರು ಬಂದರೆ, ಮಾರ್‍ಗೊಟ್‌ಳ ಬದಲಾಗಿ ಕ್ಯಾಂಪ್ ಬೆಡ್ ಬಳಸುವ ಅವರು ನನ್ನ ಕೋಣೆಯಲ್ಲಿ ಮಲಗುವುದು ಎಂದಾಯಿತು,.
ನಿನ್ನ,
ಆನ್
