ಶೂನ್ಯ ಸಂಪಾದನೆಯೆ ಸುಂದರ

ಶೂನ್ಯ ಸಂಪಾದನೆಯೆ ಸುಂದರ
ಬಿಂದು ರೂಪವೆ ಮಂದಿರ
ಸಾಕು ಬಣ್ಣಾ ಕೋಟಿ ಕಣ್ಣಾ
ಪ್ರೇಮ ಪೌರ್ಣಿಮೆ ಸುಖಕರ

ಡೊಂಬು ಡೊಗರು ಡೊಂಕು ಯಾತಕ
ಸಾಕು ಕಾಡಿನ ಯಾತನಾ
ಮ್ಯಾಲ ಧೂಳಿ ಗೂಳಿ ಧಾಳಿ
ಬ್ಯಾಡ ಕಡಲಿನ ಮಂಥನಾ

ಅವರು ಹಾಂಗ ಇವರು ಹೀಂಗ
ಒಳಗ ನಡದಿದೆ ಲಟಿಪಿಟಿ
ನೋಡು ಗೆದ್ದಲು ಹುಳಾ ಹೊಕ್ಕಿದೆ
ಮನದ ಮಂದಿರ ಗಡಿಬಿಡಿ

ಏನು ಯಾಕ ಹೆಂಗ ಎಂಬ
ಭೂತ ಬೆಂತರ ಢಗಢಗಿ
ಸದಾ ಕಸಿವಿಸಿ ಮನದ ಗುಸಿ ಗುಸಿ
ಸಾಕು ಮಂಗನ ಮುಸಿ ಮುಸಿ

ಮ್ಯಾಲ ಮ್ಯಾಲ ಮ್ಯಾಲ ಹಾರಲೆ
ತಳದ ತಳಕ ಇಳಿಯಲೆ
ಅಲ್ಲಿ ಬಯಲು ಇಲ್ಲಿ ಬಯಲು
ಬಯಲ ಲಿಂಗವ ಕಾಣಲೆ
*****