ನಾಚಿಗಿ ಬರತೈತೆ ನನಗಂಡಾ ನಿನಕೂಡ
ನಾಚಿಗಿ ಬರತೈತೆ ||ಪಲ್ಲ||
ಬಾಯಾಗ ಹಲ್ಲಿಲ್ಲ ಕಣ್ಣಾಗ ಎಣ್ಣಿಲ್ಲ
ಸಗತಿಲ್ಲ ನಡಿಗೀ ಸುಗತಿಲ್ಲ
ಜೋತಾಡಿ ಹೋಗ್ತೀದಿ ಮಾತಾಡಿ ಬೀಳ್ತೀದಿ
ಮೈಮ್ಯಾಲ ವೈನಾ ನಿನಗಿಲ್ಲ ||೧||
ಗೆಳತೇರು ಗರತೇರು ಗ್ವಾಡಂಬಿ ಚಲುವೇರು
ತೇರಂತ ಅಂತಾರ ನಿನಕಂಡ
ಗಂಡನ್ನ ಜಗ್ಗಾಕ ಹಗ್ಗೊಂದ ಬೇಕಂತ
ನಗತಾರ ಸೂಳ್ಯಾರ ಮನಗಂಡ ||೨||
ಮಿಸ್ಯಾಗ ಕರಿ ಇಲ್ಲ ಮಗ್ನ್ಯಾಗ ಹಸನಿಲ್ಲ
ತುಟಿಯಾಗ ತಂಬೂರಿ ನಿನಗಿಲ್ಲ
ತಲಿತುಂಬ ಬುರುಬೂರಿ ಹೇನಂತ ಕೂರೆಂತ
ಕೌವ್ವಂತ ನಗತಾರ ಹಗಲೆಲ್ಲ ||೩||
ಹರೆಯಾದ ಹುಡಗೀಯ ಬೆಡಗೀಯ ಮಡದೀಯ
ಮಗ್ಗಲಕ ಕರದೀಯ ಕುರ್ರಂತ
ಪಂಚೇತಿ ಬಂತಲ್ಲ ಸಂತ್ಯಾಗ ಚಿಂತ್ಯಾತ
ಚಿರ್ಚಾದ ಚಲುವೆಲ್ಲ ಚುರ್ರಂತ ||೪||
ಗಂಡಂದ್ರು ಗಂಡಲ್ಲ ಹೆಣ್ಣಂದ್ರು ಹೆಣ್ಣಲ್ಲ
ಹುಟ್ಟಿದ್ರು ಹುಟ್ಟಿಲ್ಲ ನನಗಂಡಾ
ಮೆಟ್ಟಿದ್ರು ಮೆಟ್ಟಿಲ್ಲ ಕಟ್ಟಿದ್ರು ಕಟ್ಟಿಲ್ಲ
ಹೊಲವಿಲ್ಲ ಮನಿಯಿಲ್ಲ ಮಹಗಂಡಾ ||೫||
*****
ಗಂಡ = ನಿರಾಕಾರ ಪರಮಾತ್ಮ
ಗೆಳತೇರು = ಐಹಿಕ ಭೋಗಗಳು
ಮಡದಿ = ಆತ್ಮ
