ತಾಯ ಗರ್ಭದ ಭ್ರೂಣ
ಅಲ್ಲಿಂದಲೇ ಶುರು ಪಯಣ!
ಚಕ್ರವ್ಯೂಹಕ್ಕೆ ಹೊಗುವ ದಾರಿ
ಆಲಿಸಿದ ಅರ್ಭಕ ಕೇಳಿಸಿಕೊಳ್ಳಲಿಲ್ಲ
ಹೊರಬರುವ ದಾರಿ!
ಮಾತೆ ಗರ್ಭದಿ ಜಾರಿ
ಹೊರಬರುವ ಪರಿ
ಎಲ್ಲಾ ಸರಿ!
ಇಂಚಿಂಚು ಬೆಳೆತ
ಅಲ್ಲಿ ಇಲ್ಲಿಯ ಸೆಳೆತ
ಬಾಲ್ಯಕ್ಕೆ ಮೊಳೆತ
ಕೌಮಾರ್ಯ, ಪ್ರೌಢತ್ವ ವಿಕಸಿತ!
ಬೆತ್ತಲೆ ಮಗು ಈಗೆತ್ತಲೋ!
ಆಹಾರ ಜೀರ್ಣ
ಶರೀರಕೆ ಪೋಷಣೆ ಪೂರ್ಣ!
ವಿಟಮಿನ್ನು ಪ್ರೋಟಿನ್ನು
ಜೀವ ಕೋಶಗಳ ಪೋಣಿಸಿದ ಮಾಲೆ
ಅಮೈನೋ ರಸಾಯನ
ಬಾಡದೆ ಇರುವದೆ?
ಮತ್ತೆ ಅರಳುವ ಜಾಡು
ತಡಕಾಡು!
ಸಹಸ್ರಾರು ಲಕ್ಷ ವೀರ್ಯಾಣು
ಚಿಮ್ಮಿದರೂ
ಜೀವನ ಚಿಲುಮೆ ಜಿಗಿಯಲು
ಒಂದೇ ಸಫಲ!
ಉಳಿದವು ಆತುಮಗಳಾಗಲು
ಕಾಯಬೇಕು
ಮತ್ತೆ ಹುಟ್ಟಲು
ಮೊದಲು ಸಾಯಬೇಕು!
ಭಾಗ – ೨
ಮೊನ್ನೆ ಚಿರಿಡಿಗೆದ್ದದ್ದು
ಸುಮ್ಮನೆ ಅಲ್ಲ!
ಕಾರಣ ಅದಕೆ
ಹಾರ್ಮೋನುಗಳ ಅಲ್ಪ ಉತ್ಪತ್ತಿ!
ಎಚ್ಚರ ತಪ್ಪಿ ಬಿದ್ದಿದ್ದಕ್ಕೆ
ಕಡಿಮೆ ಸಕ್ಕರೆ ಪ್ರಮಾಣ ಕಾರಣ!
ರಸವೆ ಜನನ
ವಿರಸ ಮರಣ
ರಸಾಯನವೇ ಜೀವನ
ಇಲ್ಲವೆ ಇದರಿಂದ ಪಲಾಯನ!
*****
