Home / ಕವನ / ಕವಿತೆ / ಮುಖ ಮಂಟಪ

ಮುಖ ಮಂಟಪ

‘ಒಗಟಾ’ ಎಂದರು
ಇದನು ಒಡೆಯಬೇಕಲ್ಲ?
ತರಬೇಕೆ ಬೇರೆ ಕಲ್ಲಾ
ತಲೆಯೆ ಇರುವಾಗ!
ಇದಿರಿತ್ತು ಬಂಡೆಗಲ್ಲು,
ಮೇಲಿತ್ತು ಚಿತ್ರಾ;
ಕೆಳಗಿತ್ತು ಬರೆಹಾ;
ತಲೆಗಿತ್ತು ಕೊಂಬು
ಎತ್ತೆನ್ನಬಹುದೋ?
ಲಂಬಕರ್ಣ….
ಜೋಲು ಹೊಳ್ಳೆಯೊಳಿತ್ತು ಅದರ ಮರ್ಜಿ
ಹಿಂಗಾಲಿನೊಳಗಿತ್ತು
ಅದರ ಕಸರತ್ತು.
ಆದರೂ ಎತ್ತಿನದೆ ಹಿಂಭಾಗದಂದ
ಕಾಲ ಕೆದರುವ ನ್ಯಾಯವಿಲ್ಲ ಮುಂಭಾಗ
ಆದರೂ ಕೊರಳು ಇದೆ ಎತ್ತಿನಂದ.
ಎಷ್ಟು ಮಿಶ್ರ….
ಯಾ ಕತ್ತೆ ಕೆತ್ತಿದನೋ
ಕತ್ತೇಬಜೇ?
ಏನೋ ಇರಬೇಕಲ್ಲಿ ಗುಪ್ತ ಕಂತ್ರಾಟಾ,
ಹಿಕಮತ್ತಿನಾಟಾ,
ಚಿತ್ರದಲ್ಲಿ ತಿರುಗುಮುರುಗು ಲೇಖಾ.
ಎತ್ತೋ ಕತ್ತೆ???!!….
ಪ್ರಶ್ನೆಗಳೆ ನಿಂತಿಹವು ಟೊಂಕ ಮಣಿಸಿ
ಉದ್ಗಾರ ಸರಿದಿಹವು ಸೆಟೆದು ದೂರ.
ಆಹಾ ಮಹಾ ವಾಕ್ಯ
ಯಾವ ವಿಧಿಯೋ?
ಕ್ರಿಯೆಯು ಸುಪ್ತ; ಕರ್ತೃ ಗುಪ್ತ.
‘ಎತ್ತಲೋ ಕತ್ತಲೋ’
ಈ ಮೂಕ ಮುಂಡಿಗೆಯ
ಎತ್ತಿದವ ಜಾಣ.
ಇರಿದಾಡಿ ಕೊಂಬನೋ ತಾನೆ ಕೋಣ.
ಸರ್ಪಕಾವಲವಿರಲಿ ಪೈಲವಾನ
ಪಡೆದ ದೈವಾನ!
*****

Tagged:

Leave a Reply

Your email address will not be published. Required fields are marked *

ರಾಜ ನಿಮಗೆ ಗೊತ್ತೆ? ಇಲ್ಲ? ಆತ ನನ್ನ ಸ್ನೇಹಿತ, ಆಪ್ತ ಸ್ನೇಹಿತ. ಅವನಿಗೂ ಕತೆ ಬರೆಯುವ ಹುಚ್ಚಿದೆ. ಆದರೆ ಬರೆದು ಸಂಪಾದಿಸಿ ಬದುಕುವ ಹಟವಿಲ್ಲ. ಹಾಗೆಂದೇ, ತಕ್ಕಮಟ್ಟಿಗೆ ಸಂಪಾದನೆ ಇರುವ ಬೇರೆ ಉದ್ಯೋಗದಲ್ಲಿದ್ದಾನೆ! ರಾಜ ಬರೆದಿರುವ ಒಂದು ಕಥೆ ನನ್ನಲ್ಲಿದೆ. ಓದಿ ನೋಡುತ್ತೀರಾ? ನಿಮ...

ಅಂದು ನಾನು, ನಮ್ಮ ತಾತ, ನನ್ನ ತಂಗಿ ಎಲ್ಲರೂ ಕಣದಲ್ಲಿ ಕುಳಿತುಕೊಂಡು ಹರಟೆ ಹೊಡೆಯುತ್ತಿದ್ದೆವು. ಸುಗ್ಗಿಯ ಕಾಲವಾದ್ದರಿಂದ ರೈತರು ಮತ್ತು ಆಳುಗಳು ಕಣದಲ್ಲಿ ಕೆಲಸ ಮಾಡುತ್ತಿದ್ದರು. ನಮ್ಮ ತಾತನು ಆ ಮಾತು ಈ ಮಾತು ಆಡುತ್ತಿದ್ದರೂ, ಆತನ ಒಂದು ಕಣ್ಣು ಮಾತ್ರ ಕೆಲಸಗಾರರ ಮೇಲೆಯೇ ಇರುತ್...

ರಾಜಗೃಹದ ಬಳಿಯ ಗೃಧ್ರಕೂಟ ಪರ್ವತ. ಪರಮಾತ್ಮನಾದ ಬುದ್ಧದೇವನ ಪವಿತ್ರ ಪಾದಧೂಳಿಯಿಂದ ಪುನೀತವಾದ ಗಿರಿವರದ ನೆತ್ತಿ. ನೆತ್ತಿಯ ನೆಲೆಯಲ್ಲಿ ಎರಡು ಗುಹೆಗಳು. ಅಲ್ಲಿ ಇಬ್ಬರು ಬೌದ್ಧ ಸನ್ಯಾಸಿಗಳು ಧ್ಯಾನಶೀಲಾನುಷ್ಠಾನಾದಿಗಳಿಂದ ನಿರ್‍ವಾಣವನ್ನು ಸಾಧಿಸುತ್ತಿದ್ದರು. ಇಬ್ಬರೂ ಅಕ್ಕ ಪಕ್ಕದ ...

ವ್ಹಾಲೆಂಟಾಯಿನ್ ಡಿಗ್ಬಿಯು ಭೋಜನವನ್ನು ತೀರಿಸಿಕೊಂಡು ‘ಹಾವಾನಾ ಸಿಗರ’ (ತಂಬಾಕದ ಸುರುಳೆ) ಸೇದುತ್ತೆ ತನ್ನ ಆರಾಮ ಕುರ್ಚಿಯಲ್ಲಿ ಯಥಾಸುಖವಾಗಿ ಕುಳಿತು ಏನೇನೋ ವಿಚಾರ ಮಾಡುತ್ತಿದ್ದನು. ಸುಗಂಧಿತವಾದ ಸಿಗರದ ಹೊಗೆಯು ಕಾಮಿನಿಯ ಕೇಶಕಲಾಪದಂತೆ ಸುರುಳೆ ಸುರುಳೆಯಾಗಿ ಅಂತರಿಕ್ಷದಲ್ಲಿ ಗಾಳ...

೨-೨-೧೯೩೦ “ಹೆಣ್ಣಿನಿಂದ ಮಾನವನಿಗೆ ಎಂದೂ ತೊಂದರೆಯು. ಅವಳು ಚೆಲುವೆಯಾದರೆ, ಅವಳನ್ನು ಪಡೆಯಬೇಕೆಂಬಾಸೆಯನ್ನು ಇತರರಲ್ಲಿ ಉಂಟು ಮಾಡುವಳು; ಅವಳ ಗಂಡನು ಪ್ರೇಮ ಸಂಶಯಕ್ಕೆ ಸಿಲುಕುತ್ತಾನೆ. ಅವಳು ಕುರೂಪಿಯಾಗುವಳೆ, ಅವಳ ಗಂಡನು ಇತರರನ್ನು ನೋಡಿ ಅಸೂಯೆ ಪಟ್ಟು, ಆ ಅಸೂಯೆಯಿಂದ ತೊಂ...

ಗಂಗಮ್ಮನು ಅವಳೊಂದು ಮುತ್ತಿನಂಥಾ ಹೆಣ್ಣು! ಅವಳ ಗೋಳು, ಸಾಯುವಾಗ ಹೊಂದಿದ ಅವಳ ಸಂಕಟದ ಪರಿ, ಎಲ್ಲಾ ನೆನಿಸಿಕೊಂಡರೆ ಆ ಚಿತ್ರವು ಕಣ್ಣೆದಿರಿಗೆ ಈಗಲೂ ಕಟ್ಟಿ ಬಿಡುವುದು. ನಾನೆಷ್ಟೋ ಸಾರೆ ಅವಳು ಇಲ್ಲದಾಗ ಸಿದ್ಧರಾಮನ ದೆಶೆಯಿಂದ ಅವರ ಮನೆಗೆ ಹೋಗುತ್ತಿದ್ದೆ. ಆಗ ನನ್ನನ್ನವಳು ಕರೆದು ಕೂ...